2026 අන්තර් පාසල් රග්බි ලීග් තරගාවලිය (Dialog Schools Rugby League) උද්යෝගිමත් ආරම්භයක් සනිටුහන් කරමින් අද නිල වශයෙන් ආරම්භ විය. මෙවර තරගාවලිය කාණ්ඩ තුනක් යටතේ පැවැත්වෙන අතර, එහි පළමු සතියේ පළමු තරගය ලෙස කොළඹ වෙස්ලි විද්යාලය සහ මොරටුව වේල්ස් කුමර විද්යාලය අතර සටන කොළඹ හැව්ලොක් ක්රීඩා පිටියේදී පැවැත්විණි. ආරම්භයේ සිටම ඉතා වේගවත් ක්රීඩා විලාසයක් පෙන්නුම් කළ වෙස්ලි ක්රීඩකයෝ තරගය පුරාම සිය ආධිපත්යය පැතිරවීමට සමත් වූහ.තරගය ආරම්භයේ සිටම වේල්ස් කුමර විද්යාලය දැඩි පීඩනයකට ලක් කළ වෙස්ලි කණ්ඩායම, තරගයේ පළමු අර්ධය නිමා වන විට ලකුණු 28 ට 05 ක් ලෙස පෙරමුණ ගැනීමට සමත් විය. උත්සාහක දිනුම් 11 ක් සහ ප්රවර්තන 07 ක් සාර්ථක කර ගනිමින් වෙස්ලි විද්යාලය ලකුණු 69 ක් රැස් කළ අතර, වේල්ස් කුමර විද්යාලයට ලබා ගත හැකි වූයේ ලකුණු 12 ක් පමණි. වේල්ස් කුමර විදුහල වෙනුවෙන් උත්සාහක දිනුම් 02 ක් සහ එක් ප්රවර්තනයක් වාර්තා විය.අවසානයේ ලකුණු 69-12 ක් ලෙස ප්රබල ජයග්රහණයක් අත්කර ගනිමින් මෙවර රග්බි තරග සමය ජයග්රාහී ලෙස ආරම්භ කිරීමට වෙස්ලි විද්යාලය සමත් විය. ප්රබල කණ්ඩායම් රැසක් තරග වදින මෙම ලීග් තරගාවලිය ඉදිරි සති කිහිපය පුරාම ක්රීඩා ලෝලීන්ගේ දැඩි අවධානයට ලක්වනු ඇතැයි අපේක්ෂා කෙරේ.
පාසල් රග්බි පිටිය උණුසුම් වෙයි: සමාරම්භක තරගයෙන් වෙස්ලි විද්යාලයට දැවැන්ත ජයක්!
