බන්ධනාගාර ආඥාපනත යටතේ පවතින නීති රෙගුලාසි සහ නිත්‍ය නියෝග වර්තමානයට ගැලපෙන පරිදි යාවත්කාලීන කිරීම සඳහා පත් කරන ලද විශේෂ කමිටුවේ මූලික සාකච්ඡාව ඊයේ (09) පස්වරුවේ ජනාධිපති කාර්යාලයේදී පවත්වන ලදී. මෙය පසුගිය 08 වනදා ත්‍රෛනිකායික මහා සංඝරත්නය සහ ජනාධිපති අනුර කුමාර දිසානායක මහතා අතර පැවැති සාකච්ඡාවේදී ගත් තීරණයක ප්‍රතිඵලයකි.මෙම අවස්ථාවට අධිකරණ හා ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතා එක්වූ අතර, අදාළ කමිටුව වෙත නීතිමය හා ප්‍රතිපත්තිමය මාර්ගෝපදේශ ලබාදීම උන්වහන්සේ/එතුමන් විසින් සිදු කරන ලදී.මෙම විශේෂ රැස්වීම සඳහා බුද්ධශාසන, ආගමික හා සංස්කෘතික කටයුතු අමාත්‍යාංශය, අධිකරණ අමාත්‍යාංශය, රාජ්‍ය පරිපාලන අමාත්‍යාංශය, බෞද්ධ කටයුතු දෙපාර්තමේන්තුව සහ බන්ධනාගාර දෙපාර්තමේන්තුව නියෝජනය කරමින් ජ්‍යෙෂ්ඨ අමාත්‍යාංශ ලේකම්වරුන් ඇතුළු ඉහළ පෙළේ රාජ්‍ය නිලධාරීහු පිරිසක් සහභාගී වූහ.
බන්ධනාගාර නීති හා රෙගුලාසි යාවත්කාලීන කිරීමට විශේෂ කමිටුවක් රැස්වෙයි
