ශ්රී ලංකා මහ බැංකුවේ 2025 මූල්ය වර්ෂයට අදාළ මෙහෙයුම් වාර්තාව සහ විගණනය කරන ලද මූල්ය ප්රකාශන පාර්ලිමේන්තුවට ඉදිරිපත් කිරීම සඳහා අමාත්ය මණ්ඩල අනුමැතිය හිමිව තිබේ. මුදල්, ක්රමසම්පාදන සහ ආර්ථික සංවර්ධන අමාත්යවරයා ලෙස ජනාධිපතිවරයා විසින් ඉදිරිපත් කළ මෙම යෝජනාවට මෙලෙස කැබිනට් අනුමැතිය ලැබී ඇත. 2023 අංක 16 දරන මහ බැංකු පනතේ දැක්වෙන නීතිමය විධිවිධානවලට අනුව, සෑම මූල්ය වර්ෂයක්ම අවසන් වී මාස හතරක් ඇතුළත මෙම වාර්තාවන් විෂයභාර අමාත්යවරයා වෙත භාර දීම අනිවාර්ය වේ.මහ බැංකු අධිපතිවරයා විසින් අමාත්යවරයා වෙත ලබා දී ඇති මෙම වාර්තාව මගින් 2025 වසරේ එම ආයතනයේ සමස්ත කාර්යසාධනය සහ මූල්ය පාලනය පිළිබඳ සවිස්තරාත්මක විග්රහයක් ඉදිරිපත් කර ඇත. පාලක මණ්ඩලයේ අනුමැතිය සහ විගණකාධිපතිවරයාගේ සහතික කිරීම සහිතව ඉදිරිපත් කර ඇති මෙම මූල්ය ප්රකාශන, රටේ මූල්ය විනිවිදභාවය තහවුරු කෙරෙන නිල ලේඛනයක් ලෙස සැලකේ.පනතට අනුව අමාත්යවරයා වෙත වාර්තාව ලැබී දින 14ක් ඇතුළත එය පාර්ලිමේන්තුවට ඉදිරිපත් කළ යුතු අතර, ඒ සඳහා අවශ්ය මූලික පියවරක් ලෙස මෙම කැබිනට් අනුමැතිය හිමි විය. ඒ අනුව නුදුරු දිනකදීම මෙරට ආර්ථිකයේ ප්රධාන නියමුවා වන මහ බැංකුවේ වසරක මෙහෙයුම් දත්ත සහ මූල්ය ගිණුම් පිළිබඳව මහජන නියෝජිතයන්ට විමසා බැලීමේ අවස්ථාව උදා වනු ඇත.
මහ බැංකු වාර්තාව සභාගත කිරීමට අවසර
