ශ්රී ලංකා වරාය අධිකාරියට භාණ්ඩ සැපයීම සඳහා ටෙන්ඩර් බලපත්ර දෙකක් ලබා දෙන බව පවසා රුපියල් ලක්ෂ 33කට ආසන්න මුදලක් වංචා කිරීමේ සිද්ධියක් සම්බන්ධයෙන් වහාම පුළුල් විමර්ශනයක් පවත්වන ලෙස කොළඹ ප්රධාන මහේස්ත්රාත් අසංග එස්. බෝදරගම මහතා අද (11) නියෝග කළේය. පොලිස් වංචා විමර්ශන කාර්යාංශය විසින් මෙම වංචාව සම්බන්ධයෙන් දැනටමත් විධිමත් පරීක්ෂණයක් ආරම්භ කර ඇති බව අධිකරණයට දැනුම් දීමෙන් අනතුරුව මහේස්ත්රාත්වරයා මෙම නියෝගය නිකුත් කර තිබේ.වරාය අධිකාරියේ නිල භාණ්ඩ සැපයුම්කරුවන් වීමේ අපේක්ෂාවෙන් සිටි ව්යාපාරිකයන් පිරිසක් ඉලක්ක කරගනිමින් මෙම මූල්ය වංචාව සැලසුම් සහගතව සිදුකර ඇති බව අනාවරණය වී ඇත. සිද්ධියට සෘජුවම සම්බන්ධ වී ඇති ප්රධාන සැකකරුවන් කවුරුන්දැයි නිශ්චිතව හඳුනාගැනීම සහ ඔවුන් අත්අඩංගුවට ගැනීම සඳහා පොලිස් වංචා විමර්ශන කාර්යාංශය විසින් මේ වන විටත් මෙහෙයුම් තීව්ර කර තිබේ.
වරාය අධිකාරියේ ටෙන්ඩර් ලබාදෙන බව පවසා සිදුවූ ලක්ෂ 33ක වංචාවක් ගැන පුළුල් විමර්ශන
