2023 සහ 2024 යන වසරවලදී මුද්රණය කරන ලද, එහෙත් මෙතෙක් අදාළ හිමිකරුවන් විසින් රැගෙන නොගිය වාහන අංක තහඩු ලක්ෂයකට ආසන්න ප්රමාණයක් මෝටර් රථ ප්රවාහන දෙපාර්තමේන්තු පරිශ්රයන්හි ගොඩගැසී පවතින බව එම දෙපාර්තමේන්තුව පවසයි. කොළඹ නාරාහේන්පිට පිහිටි ප්රධාන කාර්යාලයේ මෙන්ම දිවයින පුරා විසිරී ඇති අනෙකුත් දිස්ත්රික් කාර්යාලවල ද මෙලෙස විශාල වශයෙන් අංක තහඩු එක්රැස් වී ඇති බව සඳහන් වේ.මේ හේතුවෙන්, අදාළ වර්ෂයන්හිදී වාහන අංක තහඩු සඳහා ඉල්ලුම් කර මෙතෙක් ඒවා ලබානොගත් සියලුම වාහන හිමිකරුවන්, එළඹෙන ජුනි මස 30 වන දිනට පෙර ඒවා කඩිනමින් ලබාගැනීමට කටයුතු කළ යුතුය. මුල් පුවතේ ඇතැම් තැනක ජුනි 31 ලෙස දින වැරදීමකින් සඳහන්ව තිබුණ ද, නිවැරදි අවසාන දිනය වන්නේ ජුනි මස 30 වනදාය.නාරාහේන්පිට ප්රධාන කාර්යාලයෙන් ලබාගත යුතු වාහන අංක තහඩු එතැනිනුත්, සෙසු දිස්ත්රික්කවලට අදාළ අංක තහඩු එම දිස්ත්රික් ලේකම් කාර්යාලවල පිහිටි මෝටර් රථ ප්රවාහන දෙපාර්තමේන්තු ශාඛා වෙත පැමිණීමෙනුත් ලබාගත හැක. නියමිත දිනට පෙර මෙම කටයුත්ත නිම කරන ලෙස දෙපාර්තමේන්තුව වාහන හිමියන්ගෙන් ඉල්ලා සිටියි.මෙම නිවේදනය සම්බන්ධයෙන් කිසියම් අමතර තොරතුරක් හෝ විමසීමක් සිදුකිරීමට අවශ්ය වන්නේ නම්, මෝටර් රථ ප්රවාහන දෙපාර්තමේන්තුවේ වාහන අංක තහඩු අංශය (Number Plate Division) වෙත 011-2033333 යන දුරකථන අංකය ඔස්සේ ඇමතිය හැකිය.
වාහන අංක තහඩු ලබාගැනීම සම්බන්ධයෙන් මෝටර් රථ ප්රවාහන දෙපාර්තමේන්තුවෙන් නිවේදනයක්
