පවතින වියළි කාලගුණය හේතුවෙන් ජල විදුලි උත්පාදනය අඩුවීම සහ තාප බලාගාරවල පවතින කාර්මික ගැටලු හේතුවෙන් විදුලිබල අංශය මුහුණ දී ඇති රුපියල් බිලියන 38 ක මූල්ය පරතරය පියවා ගැනීමට මහජන උපයෝගිතා කොමිෂන් සභාව සැරසෙයි. මෙම සතියේ ක්රියාත්මක වීමට නියමිත විශේෂ ගාස්තු සංශෝධනය හරහා රුපියල් බිලියන 23 ක අතිරේක බරක් කර්මාන්ත සහ මහා පරිමාණ ව්යාපාරික අංශ වෙත පැටවීමට නියමිතය. විදුලිබල මණ්ඩලයේ මූල්ය අර්බුදයට පිළියම් ලෙස මෙලෙස දිගින් දිගටම ගාස්තු ඉහළ දැමීම කෙරෙහි නිෂ්පාදකයින් සිය දැඩි කනස්සල්ල පළ කර සිටියි.විදුලි පිරිවැය අධික ලෙස ඉහළ යාම හේතුවෙන් ජාත්යන්තර වෙළඳපොළ තුළ මෙරට නිෂ්පාදනවල තරඟකාරීත්වය ගිලිහී යාමේ අවදානමක් පවතින බව අපනයන නිෂ්පාදකයින්ගේ සංගම් පෙන්වා දෙයි. විශේෂයෙන්ම ඇඟලුම් ඇතුළු ප්රධාන අපනයන ක්ෂේත්රවල නිෂ්පාදන පිරිවැය ඉහළ යාම හරහා සමස්ත ආර්ථිකයටම බරපතළ පසුබෑමක් සිදුවිය හැකි බවට ඔවුහු අනතුරු අඟවති. විදුලිබල මණ්ඩලයේ අකාර්යක්ෂමතාවයේ පිරිවැය පාරිභෝගිකයා සහ කර්මාන්තකරුවා මත පැටවීම අසාධාරණ බව ඔවුන්ගේ අදහසයි.මෙම අර්බුදයට ස්ථිර විසඳුමක් ලෙස විදුලිබල ක්ෂේත්රයේ ව්යූහාත්මක ප්රතිසංස්කරණ කඩිනමින් සිදුකළ යුතු බව නිෂ්පාදකයෝ රජයට අවධාරණය කරති. පවතින නාස්තිය අවම කිරීම, විකල්ප බලශක්ති ප්රභවයන් වෙත කඩිනමින් යොමු වීම සහ බලශක්ති අංශයේ කාර්යක්ෂමතාව ඉහළ නැංවීම මගින් කර්මාන්ත ක්ෂේත්රය ආරක්ෂා කර ගැනීමට පියවර ගන්නා ලෙස ඔවුහු වැඩිදුරටත් ඉල්ලා සිටිති. මෙය මෙරට අපනයන ආදායම තහවුරු කර ගැනීමට ඇති එකම මඟ බව ද ඔවුන් පෙන්වා දෙයි.
විදුලි මිල වැඩිකිරීමෙන් මෙරට අපනයන කර්මාන්ත දැඩි අර්බුදයක
