එක්සත් අරාබි එමීර් රාජ්යයේ සේවා සපයන ආයතනයක ඊමේල් පද්ධතියකට බාහිර පාර්ශ්වයක් ඇතුළු වීම නිසා සිදු වූ වැරදි මූල්ය ගනුදෙනුවක් සහ ඉන්දියාවේ චෙන්නායි කාර්යාලයේ සිදු වූ මුදල් අවභාවිතයක් සම්බන්ධයෙන් ශ්රී ලංකන් ගුවන් සේවය නිල ප්රකාශයක් නිකුත් කර තිබේ. ඩුබායිහි පිහිටි අදාළ සැපයුම්කරු වෙත ගෙවිය යුතුව තිබූ ඩිරාම් 974,000ක මුදලක් තමන් වෙත ලැබී නොමැති බව එම ආයතනය දැනුම් දීමත් සමඟ මේ පිළිබඳ මුල්ම අනාවරණය සිදු විය. විමර්ශනවලදී හෙළි වී ඇත්තේ තෙවන පාර්ශ්වයක් විසින් සැපයුම්කරුගේ ඊමේල් ගිණුම සූක්ෂ්ම ලෙස හැක් කර, බැංකු තොරතුරු වෙනස් කරමින් ව්යාජ ලිපි ලේඛන හරහා ගුවන් සමාගම නොමඟ යවා ඇති බවයි.මෙම වංචාව හඳුනාගත් වහාම ක්රියාත්මක වූ ශ්රී ලංකන් ගුවන් සේවය, ඉදිරි ගෙවීම් අත්හිටුවීමට පියවර ගත් අතර සිද්ධිය සම්බන්ධයෙන් අපරාධ පරීක්ෂණ දෙපාර්තමේන්තුව (CID) සහ එක්සත් අරාබි එමීර් රාජ්යයේ ආරක්ෂක බලධාරීන් දැනුවත් කර ඇත. දැනට දෙරටේම මේ පිළිබඳ පුළුල් විමර්ශන ක්රියාත්මකය. අදාළ ගනුදෙනුව සිදුව ඇත්තේ නිල ඊමේල් පණිවිඩ සහ බලයලත් අත්සන් සහිත ලේඛන පදනම් කරගෙන වුවද, සැපයුම්කරුගේ සයිබර් ආරක්ෂණ දුර්වලතා හේතුවෙන් මතු වූ මෙම ගැටලුවට තමන් කිසිසේත්ම වගකීමක් භාර නොගන්නා බව ද ගුවන් සමාගම අවධාරණය කරයි.මේ අතර, ඉන්දියාවේ චෙන්නායි නුවර පිහිටි ශ්රී ලංකන් ගුවන් විදුලි කාර්යාලයේ මූල්ය අංශයේ සේවකයින් කිහිප දෙනෙකු සම්බන්ධ වූ තවත් මූල්ය වංචාවක් ද අනාවරණය වී ඇත. ඔවුන් කලක් තිස්සේ ඉන්වොයිසි සහ අත්සන් වංචනික ලෙස වෙනස් කරමින් ඉන්දීය රුපියල් මිලියන 22ක මුදලක් අවභාවිත කර ඇති බවට චෝදනා එල්ල වී තිබේ. ශ්රී ලංකාවේ පිහිටි ප්රධාන කාර්යාලයේ මූල්ය අංශයට එහි වූ අසාමාන්ය ගෙවීම් රටාවක් නිරීක්ෂණය වීම නිසා මේ පිළිබඳ අභ්යන්තර පරීක්ෂණයක් වහාම ආරම්භ කෙරිණි.අභ්යන්තර පරීක්ෂණ කටයුතු ආරම්භ වීමත් සමඟම චෝදනාවට ලක් වූ සේවකයින් සේවයට වාර්තා කිරීම මඟහැර තිබේ. මේ පිළිබඳව ඉන්දීය බලධාරීන් වෙත ද නිල වශයෙන් පැමිණිලි කර ඇති අතර, එරට ආරක්ෂක අංශ මේ වන විටත් විමර්ශන සිදු කරමින් සිටියි. මෙම වංචනික ක්රියාවන් හේතුවෙන් සමාගමට සිදු වූ මූල්ය අලාභය සම්පූර්ණයෙන්ම පියවා ගැනීමට අවශ්ය නීතිමය පියවර ගන්නා බව ශ්රී ලංකන් ගුවන් සේවය සිය නිවේදනය මඟින් වැඩිදුරටත් සඳහන් කරයි.
සයිබර් ප්රහාරයක් සහ මුදල් වංචාවක්: ශ්රී ලංකන් ගුවන් සමාගමෙන් විශේෂ පැහැදිලි කිරීමක්!
