උමා ඔය ව්යාපෘතියේ මූල්ය ගෙවීමක් සම්බන්ධයෙන් ප්රකාශයක් ලබාදීම සඳහා හිටපු ජනාධිපති මෛත්රීපාල සිරිසේන මහතා අද (28) අල්ලස් හෝ දූෂණ චෝදනා විමර්ශන කොමිෂන් සභාව හමුවේ පෙනී සිටියේය. පෙරවරු 9.30 ට පමණ කොමිසම වෙත පැමිණි ඒ මහතා, පැය තුනකට අධික කාලයක් ප්රකාශයක් ලබාදීමෙන් අනතුරුව දහවල් 12.30 ට පමණ පිටතට පැමිණියේය. 2015 වසරේ යහපාලන රජය සමයේ ක්රියාත්මක වූ මෙම ව්යාපෘතියේ මූල්ය පාලනය සම්බන්ධයෙන් මෙහිදී විමර්ශකයන්ගේ අවධානය යොමුව ඇති බව වාර්තා වේ.එහිදී මාධ්ය වෙත අදහස් දැක්වූ හිටපු ජනාධිපතිවරයා සඳහන් කළේ, ඉරාන ආධාර යටතේ ආරම්භ වූ උමා ඔය ව්යාපෘතියට අමෙරිකානු සම්බාධක පැනවීම හේතුවෙන් මූල්ය බාධා මතු වූ බවයි. ඒ හේතුවෙන් ව්යාපෘතිය අතරමග නතර වීමේ අවදානමක් පැවති බැවින්, රජයේ ප්රතිපාදන යොදවා එය ඉදිරියට පවත්වාගෙන යාමට ගත් තීරණය පිළිබඳව කරුණු විමසීමට තමන්ව කැඳවා තිබූ බව ඔහු පැහැදිලි කළේය. දේශපාලන කරුණු සම්බන්ධයෙන් විමසූ අවස්ථාවේදී තමන් සක්රීය දේශපාලනයේ නොමැති බවත්, පවතින ගෝලීය යුද වාතාවරණය හමුවේ මැයි දින සැමරුම් පැවැත්වීමේ යෝග්යතාවය පිළිබඳවත් ඔහු සිය අදහස් පළ කළේය.විමර්ශනයට ලක්ව ඇති ඩොලර් මිලියන 2.5ක මුදල සම්බන්ධයෙන් තමන්ට නිශ්චිත තොරතුරු ප්රකාශ කළ නොහැකි බවත්, ඒ පිළිබඳ සත්ය තත්ත්වය තවදුරටත් සොයා බැලිය යුතු බවත් සිරිසේන මහතා මෙහිදී අවධාරණය කළේය. මීට අමතරව, රජය විසින් අලුතින් වාහන ගෙන්වීමට ගත් තීරණය මත පදනම්ව තමන් ද නව වාහනයක් ලබාගත් බව මාධ්යවේදීන් නැගූ ප්රශ්නවලට පිළිතුරු දෙමින් ඔහු වැඩිදුරටත් ප්රකාශ කර සිටියේය.
හිටපු ජනපති මෛත්රීපාල අල්ලස් කොමිසම හමුවට
