කාලගුණ විද්යා දෙපාර්තමේන්තුව අද (ජූනි 28) නිකුත් කළ නිවේදනයට අනුව, බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් වැසි වාර කිහිපයක් බලාපොරොත්තු විය හැකිය. මෙම ප්රදේශවල ඇතැම් ස්ථානවලට මිලිමීටර් 50 ඉක්මවූ තරමක තද වැසි ඇතිවීමේ හැකියාවක් පවතී. මීට අමතරව, ඌව පළාතේත් අම්පාර සහ මඩකළපුව දිස්ත්රික්කවලත් පස්වරු දෙකෙන් පසුව වැසි හෝ ගිගුරුම් සහිත වැසි ඇති විය හැකි බව දැනුම් දී ඇත.දිවයිනේ බහුතරයක් ප්රදේශවල සුළඟේ වේගය තරමක් ඉහළ යා හැකිය. විශේෂයෙන්ම මධ්යම කඳුකරයේ බටහිර බෑවුම් ප්රදේශවලත්, උතුරු-මැද, වයඹ සහ දකුණු පළාත්වලත්, ත්රිකුණාමලය දිස්ත්රික්කයේත් විටින් විට හමන පැයට කිලෝමීටර් 30-40ත් අතර තරමක තද සුළං තත්ත්වයක් බලාපොරොත්තු විය හැක.ගිගුරුම් සහිත වැසි පවතින අවස්ථාවලදී අකුණු මඟින් සිදුවිය හැකි අනතුරු සහ තාවකාලික තද සුළං හේතුවෙන් ඇතිවිය හැකි හානි අවම කර ගැනීම සඳහා කල්පනාකාරීව කටයුතු කරන ලෙස ජනතාවගෙන් ඉල්ලා සිටී. කාලගුණයේ සිදුවන මෙම වෙනස්කම් සැලකිල්ලට ගෙන එළිමහන් කටයුතුවල නිරත වීමේදී ආරක්ෂිත පියවර අනුගමනය කිරීම වැදගත් වේ.
අද දිනයේත් වැසි සහිත කාලගුණයක්
