රජය විසින් නියම කර ඇති උපරිම මිල ඉක්මවා බෝතල් කළ පානීය ජලය අලෙවි කිරීමේ චෝදනාවට වරදකරු වූ ඇල්ල ප්රදේශයේ සංචාරක ආයතනයකට බණ්ඩාරවෙල මහේස්ත්රාත් අධිකරණය විසින් රුපියල් මිලියනයක (ලක්ෂ 10ක) දඩයක් නියම කර ඇත. පාරිභෝගික කටයුතු පිළිබඳ අධිකාරියේ (CAA) විමර්ශන නිලධාරීන් කණ්ඩායමක් විසින් සිදුකළ වැටලීමකදී අදාළ ආයතනය නියමිත මිලට වඩා වැඩි මිලකට ජල බෝතල් අලෙවි කර ඇති බව නිරීක්ෂණය වී තිබේ.
පාරිභෝගික කටයුතු පිළිබඳ අධිකාරි පනතේ ප්රතිපාදන උල්ලංඝනය කිරීම සම්බන්ධයෙන් අදාළ ව්යාපාර හිමිකරුට එරෙහිව එම අධිකාරිය මගින් නීතිමය පියවර ගෙන තිබිණි. මෙම නඩුව බණ්ඩාරවෙල මහේස්ත්රාත් අධිකරණය හමුවේ කැඳවූ අවස්ථාවේදී චෝදනාවට ලක්වූ ආයතනය වරද පිළිගත් අතර, ඒ අනුව අධිකරණය විසින් මෙම දඩ මුදල අය කරගැනීමට නියෝග කර ඇත.
