ආගමික සහජීවනය සහ ලෝක සාමය පෙරදැරි කරගත් ‘ඒහිපස්සිකෝ’ සාම පාද යාත්රාවේ හයවන දිනය වන අද (27), එය යක්කල අබේසේකරාරාමයෙන් ආරම්භ විය. අද දිනයේ ගමන් මාර්ගය ඓතිහාසික කැලණිය රජමහා විහාරය දක්වා සැලසුම් කර ඇති අතර, ඊයේ දිනයේ තෝලංගමුවෙන් ඇරඹි මෙම පා ගමන සැදැහැවතුන්ගේ නොමඳ ගෞරව මධ්යයේ රාත්රිය වන විට යක්කල ප්රදේශයට ළඟා විය.දැඩි හිරු රශ්මිය මධ්යයේ වුවද දහස් සංඛ්යාත ජනතාවක් මෙම පුණ්යකර්මයට එක්ව සිටීම විශේෂත්වයකි. උණුසුම නිසා මහා සංඝරත්නයට සිදුවන පීඩා අවම කරනු පිණිස මඟ දෙපස සිටි බැතිමතුන් මාර්ගය පුරා කෙසෙල් කොළ සහ පාවඩ එළීමට කටයුතු කර තිබුණි. මහා සංඝරත්නය වැඩම කළ මාවත දිගට මල් ඉසිමින් බැතිමතුන් දැක්වූයේ ඉහළ ශ්රද්ධාවකි.මෙම සාම පාද යාත්රාවේ වඩාත් කැපී පෙනෙන ලක්ෂණය වන්නේ එය ආගමික සීමාවලින් ඔබ්බට ගිය එකක් වීමයි. බෞද්ධ ජනතාවට අමතරව වෙනත් ආගමික නායකයන් සහ විවිධ ජාතික කණ්ඩායම් සාමය සහ සංහිඳියාව වෙනුවෙන් මෙයට සක්රීයව දායකත්වය ලබා දෙයි. මෙය ශ්රී ලාංකීය ජනතාව අතර පවතින සහජීවනය ලෝකයටම විදහාපාන සුවිශේෂී අවස්ථාවක් බවට පත්ව ඇත.යාත්රාවේ අවසන් අදියර හෙට (28) ක්රියාත්මක වීමට නියමිතය. හෙට පෙරවරුවේ කැලණිය රජමහා විහාරස්ථානයේදී පාසල් සහ විශ්වවිද්යාල සිසුන් සමඟ විශේෂ සංවාදයක් පැවැත්වෙන අතර, අනතුරුව පා ගමන නිදහස් චතුරස්රය දක්වා ගමන් කරනු ඇත. එහිදී පස්වරු 4.00 ට ජනාධිපති අනුර කුමාර දිසානායක මහතාගේ සහභාගිත්වයෙන් රාජ්ය උත්සවයක් පැවැත්වීමට නියමිතව තිබේ.මෙම උත්සවයේදී ජනාධිපතිවරයා විසින් පඤ්ඤාකර හිමි ඇතුළු නියෝජිත පිරිස වෙත ශ්රී මහා බෝධීන් වහන්සේගේ අංකුර පැළයක් නිල වශයෙන් භාර දීමට නියමිතය. මෙම සුවිශේෂී සිදුවීමෙන් අනතුරුව, පස්වරු 5.30 ට යළි ආරම්භ වන පා ගමන රාත්රී 7.00 ට කොළඹ ගංගාරාම විහාරස්ථානයෙන් නිමාවට පත් කිරීමට සියලු කටයුතු සූදානම් කර ඇත.ජනාධිපති ලේකම් කාර්යාලය, ‘Clean Sri Lanka’ වැඩසටහන, බුද්ධශාසන හා සංස්කෘතික කටයුතු අමාත්යාංශය ඇතුළු රාජ්ය ආයතන රැසක සහාය මෙයට හිමි වේ. එමෙන්ම ත්රිවිධ හමුදාව සහ පොලීසිය ආරක්ෂක කටයුතු සම්බන්ධීකරණය කරන අතර, ජාතික නිර්මාණ මධ්යස්ථානය ඇතුළු සිවිල් සංවිධාන රැසක් ද මෙම සාමකාමී මෙහෙයුම සාර්ථක කර ගැනීමට දායකත්වය සපයයි.
‘ඒහිපස්සිකෝ’ සාම පාද යාත්රාව කොළඹට
