කොළඹ වරාය තුළදී අත්අඩංගුවට ගන්නා ලද බහාලුමක් පරීක්ෂා කිරීමේදී, එහි තිබී සොයාගත් ‘අයිස්’ මත්ද්‍රව්‍ය තොගයේ මුළු බර කිලෝග්‍රෑම් 463ක් බවට පොලිස් විමර්ශන මඟින් තහවුරු කර තිබේ. මේ දක්වා සිදු කර ඇති මූලික ගණනය කිරීම් සහ මිනුම්වලට අනුව මෙම සංඛ්‍යාව අනාවරණය වී ඇති බව බලධාරීහු සඳහන් කරති.මෙම මත්ද්‍රව්‍ය තොගය මෙරටට රැගෙන ඒම පසුපස ඇති ජාලය සහ ඊට සම්බන්ධ සැකකරුවන් නීතියේ රැහැනට හසු කර ගැනීම සඳහා අදාළ අංශ විසින් පුළුල් පරීක්ෂණ අඛණ්ඩව ක්‍රියාත්මක කරනු ලබයි. මීට අමතරව, මෙහි ඉදිරි නීතිමය කටයුතු සහ වැඩිදුර විමර්ශන කටයුතු ද මේ වන විට වේගවත් කර ඇත.
කොළඹ වරායෙන් හමුවූ අයිස් මත්ද්‍රව්‍ය බර කිලෝග්‍රෑම් 463ක් වෙයි
