බෙන්තොට, කතරගම, මහියංගනය, ඇඹිලිපිටිය සහ අනුරාධපුර යන ප්රදේශවල පිහිටි ජනාධිපති මන්දිර පහක් සංචාරක ආයෝජන සඳහා දිගුකාලීන බදු පදනම මත ලබා දීමට රජය තීරණය කර ඇත. ජනාධිපතිවරයාගේ යෝජනාවකට අනුව අමාත්ය මණ්ඩල අනුමැතිය හිමිවූ මෙම දේපළ මෙතෙක් ජනාධිපති ලේකම් කාර්යාලය යටතේ පාලනය වූ අතර, ඒවා කිසිදු නිල කටයුත්තකට භාවිත නොකෙරිණි.මෙම මන්දිර නඩත්තු කිරීම වෙනුවෙන් මහජන මුදල් විශාල වශයෙන් වැය වීම හේතුවෙන්, රජයේ බර අවම කර ඒවා ආර්ථික වශයෙන් ඵලදායී ව්යාපෘති බවට පත් කිරීම මෙම පියවරේ මූලික අරමුණයි. උසස් වාස්තු විද්යාත්මක වටිනාකමකින් යුත් මෙම ස්ථාන විධිමත් ක්රමවේදයක් යටතේ සුදුසු ආයෝජකයන් වෙත ලබා දීම මඟින් මෙරට සංචාරක යටිතල පහසුකම් පුළුල් කිරීමට අපේක්ෂා කෙරේ.රාජ්ය සම්පත් නිසි ලෙස කළමනාකරණය කරමින් ඒවා ජාතික ආර්ථිකයට දායක කර ගැනීම මෙහි අරමුණ වන අතර, විනිවිදභාවයෙන් යුතුව ක්රියාත්මක කෙරෙන මෙම ව්යාපෘතිය හරහා ප්රාදේශීය සංචාරක ව්යාප්තියට මෙන්ම සමස්ත ආර්ථික ප්රකෘතියට ද සැලකිය යුතු ප්රතිලාභ හිමිවනු ඇතැයි අපේක්ෂිතය.
ජනාධිපති මන්දිර පහක් සංචාරක ක්ෂේත්රයට බදු දීමට අමාත්ය මණ්ඩල අනුමැතිය
