මෙම වසරේ ගතවූ කාලසීමාව තුළ දිවයිනෙන් ඩෙංගු රෝගීන් 27,465ක් වාර්තා වී ඇති අතර, අවාසනාවන්ත ලෙස මරණ 14ක් ද සිදුව ඇති බව ජාතික ඩෙංගු මර්දන ඒකකය පවසයි. දැනට පවතින වර්ෂාපතනයත් සමඟ මදුරුවන් බෝවන ස්ථාන වැඩිවීමේ ප්රවණතාවක් පවතින බැවින්, ඉදිරි දිනවලදී රෝගීන් වාර්තා වීම තවදුරටත් ඉහළ යා හැකි බවට සෞඛ්ය අංශ අනතුරු අඟවයි.දත්ත විශ්ලේෂණයට අනුව වැඩිම රෝගීන් සංඛ්යාවක් බස්නාහිර පළාතෙන් වාර්තා වේ. ඒ අනුව කොළඹ දිස්ත්රික්කයෙන් රෝගීන් 5,930ක් ද, ගම්පහින් 4,465ක් සහ කළුතරින් 1,572ක් ලෙස ඉහළම ආසාදිත ප්රමාණයක් හඳුනාගෙන ඇත. මේ වන විට දිවයින පුරා ඩෙංගු අධි අවදානම් සහිත ප්රදේශ 42ක් සෞඛ්ය බලධාරීන් විසින් නම් කර තිබීම විශේෂත්වයකි.පවතින මෙම අවදානම් තත්ත්වය සැලකිල්ලට ගෙන තමා අවට පරිසරය පිරිසිදුව තබා ගැනීමටත්, මදුරුවන් බෝවන ස්ථාන විනාශ කිරීමටත් වහාම පියවර ගන්නා ලෙස ජාතික ඩෙංගු මර්දන ඒකකය ජනතාවගෙන් ඉල්ලා සිටියි. විශේෂයෙන් අධි අවදානම් කලාපවල ජීවත්වන පුද්ගලයන් උණ රෝගී ලක්ෂණ පවතී නම් නොපමාව වෛද්ය උපදෙස් ලබා ගැනීම අත්යවශ්ය වේ.
ඩෙංගු අවදානම ඉහළට: දිස්ත්රික්ක කිහිපයකට දැඩි අනතුරු ඇඟවීමක්
