ශ්රී ලංකාව පුරා නිරිතදිග මෝසම් දේශගුණික තත්ත්වය ක්රමයෙන් ස්ථාපිත වෙමින් පවතින බව කාලගුණ විද්යා දෙපාර්තමේන්තුව නිවේදනය කරයි. මේ හේතුවෙන් බස්නාහිර, සබරගමුව, මධ්යම සහ වයඹ පළාත්වලට මෙන්ම ගාල්ල සහ මාතර දිස්ත්රික්කවලට ද විටින් විට වැසි හෝ ගිගුරුම් සහිත වැසි ඇති විය හැක. මීට අමතරව, උතුරු පළාත, අනුරාධපුරය සහ හම්බන්තොට යන ප්රදේශවලට ද වැසි වාර කිහිපයක් අපේක්ෂා කෙරේ.දිවා කාලයේ පවතින උණුසුම් කාලගුණයත් සමඟ ඌව සහ නැගෙනහිර පළාත්වලට මෙන්ම පොලොන්නරුව දිස්ත්රික්කයට ද පස්වරු 2.00 න් පසුව තැනින් තැන වැසි හෝ ගිගුරුම් සහිත වැසි වර්ධනය විය හැක. පවතින දේශගුණික විපර්යාස හේතුවෙන් මධ්යම කඳුකරයේ බටහිර බෑවුම් කලාපය, උතුර, උතුරු-මැද සහ වයඹ පළාත් ඇතුළු හම්බන්තොට දිස්ත්රික්කය හරහා පැයට කිලෝමීටර 30 ත් 40 ත් අතර වේගයකින් හමන තරමක තද සුළං තත්ත්වයක් ද ඇතිවිය හැකියි.කාලගුණ විද්යා අංශ අවධාරණය කරන්නේ ගිගුරුම් සහිත වැසි පවතින අවස්ථාවලදී තාවකාලිකව හමා යන ප්රබල සුළං සහ දරුණු අකුණු අනතුරු සිදුවීමේ අවධානමක් පවතින බවයි. එම නිසා, සිදුවිය හැකි දේපළ හා ජීවිත හානි අවම කර ගැනීම සඳහා සන්නද්ධ වන ලෙසත්, ආරක්ෂිත පියවර අනුගමනය කිරීමට වගබලා ගන්නා ලෙසත් මහජනතාවගෙන් කාරුණිකව ඉල්ලා සිටියි.
දිවයිනේ ප්රදේශ රැසකට තද වැසි සහ සුළං!
