කාලගුණ විද්යා දෙපාර්තමේන්තුව නිකුත් කළ නවතම නිවේදනයකට අනුව, හෙට (28) දිනයේදී දිවයිනේ ප්රදේශ රැසකට වැසි සහිත කාලගුණයක් අපේක්ෂා කෙරේ. විශේෂයෙන්ම බස්නාහිර, සබරගමුව සහ වයඹ පළාත්වලට මෙන්ම ගාල්ල, මාතර, මහනුවර සහ නුවරඑළිය දිස්ත්රික්කවල ඇතැම් ස්ථානවලට මිලිමීටර 50 ඉක්මවූ තරමක තද වැසි ඇති විය හැකි බව එම දෙපාර්තමේන්තුව අනතුරු අඟවයි. මීට අමතරව, ඌව පළාත, අම්පාර සහ මඩකලපුව දිස්ත්රික්කවල සවස් කාලයේදී වැසි හෝ ගිගුරුම් සහිත වැසි වර්ධනය වීමේ හැකියාවක් පවතී.පවතින කාලගුණික තත්ත්වයත් සමඟ මධ්යම කඳුකරයේ බටහිර බෑවුම් ප්රදේශ, උතුරුමැද, වයඹ සහ දකුණු පළාත්වල මෙන්ම ත්රිකුණාමලය දිස්ත්රික්කයේද සුළඟේ වේගය පැයට කිලෝමීටර 30 ත් 40 ත් අතර අගයකට වැඩි විය හැකිය. එබැවින් ගිගුරුම් සහිත වැසි පවතින අවස්ථාවලදී තාවකාලිකව ඇති විය හැකි තද සුළං සහ අකුණු අනතුරු පිළිබඳව සැලකිලිමත් වන ලෙස කාලගුණ විද්යා දෙපාර්තමේන්තුව මහජනතාවගෙන් ඉල්ලා සිටියි.
දිස්ත්රික්ක රැසකට හෙටත් මිලිමීටර 50 ඉක්මවූ තද වැසි
