මහාධිකරණ විනිසුරුවරුන් වන නවරත්න මාරසිංහ සහ මංජුල තිලකරත්න යන මහත්වරුන් අභියාචනාධිකරණ විනිසුරුවරුන් ලෙස පත් කිරීම සඳහා ආණ්ඩුක්‍රම ව්‍යවස්ථා සභාවේ අනුමැතිය හිමිව තිබේ. ජනාධිපති අනුර කුමාර දිසානායක මහතා විසින් ඉදිරිපත් කළ නිර්දේශය මත මෙම පත්කිරීම් සිදු කර ඇත.අභියාචනාධිකරණයේ මීට පෙර පැවති විනිසුරු පුරප්පාඩු නිසි පරිදි පිරවීමේ අරමුණින් මෙම නම් ජනාධිපතිවරයා විසින් ව්‍යවස්ථා සභාව වෙත යොමු කර තිබුණි. ඒ අනුව අදාළ පාර්ශ්වයන්ගේ එකඟතාව ලැබීමත් සමඟ මෙම පත්කිරීම් සඳහා මංපෙත් විවර විය.නව විනිසුරුවරුන් දෙපළ මීට පෙර මහාධිකරණ විනිසුරුවරුන් ලෙස විශිෂ්ට සේවයක් ඉටු කර ඇති අතර, ඉදිරියේදී ඔවුන් අභියාචනාධිකරණය තුළ තම රාජකාරී කටයුතු ආරම්භ කරනු ඇත. අධිකරණ සේවයේ කාර්යක්ෂමතාව ඉහළ නැංවීමට මෙම පත්වීම් හේතු වනු ඇත.
නව අභියාචනාධිකරණ විනිසුරුවරුන් දෙදෙනෙකු පත් කිරීමට අනුමැතිය
