ඉදිරි කාලයේදී බස් ගාස්තු සංශෝධනයක් සිදු කරන්නේද යන්න පිළිබඳ අවසන් තීරණය කැබිනට් මණ්ඩලය මගින් ගනු ලබන බව ජාතික ගමනාගමන කොමිෂන් සභාව පවසයි. ශ්රී ලංකා ගමනාගමන මණ්ඩලයට (SLTB) අයත් බස් රථ සහ පෞද්ගලික බස් රථවල ගාස්තු සංශෝධනය කිරීම සම්බන්ධ යෝජනාව මේ වන විටත් ඒ සඳහා ඉදිරිපත් කර ඇති බව එම කොමිෂන් සභාවේ අධ්යක්ෂ ජනරාල් නිලාන් මිරැන්ඩෝ මහතා සඳහන් කළේය.මෙම ගාස්තු සංශෝධනය සම්බන්ධයෙන් තීරණය කිරීමේදී ජූලි මස ක්රියාත්මක වීමට නියමිත නිල ඉන්ධන මිල සංශෝධනය ඉතා වැදගත් සාධකයක් වනු ඇත. ඉන්ධන මිලෙහි සිදුවන වෙනස්කම් සහ සමස්ත ආර්ථික සාධක පිළිබඳ පුළුල් විශ්ලේෂණයකින් පසු ගාස්තු සංශෝධනයක් අවශ්ය දැයි රජය තීරණය කරනු ඇත.අදාළ පාර්ශ්වයන්ගේ යෝජනා සහ ආර්ථික දත්ත සැලකිල්ලට ගනිමින් ගනු ලබන මෙම තීරණය මගින් මගී ජනතාවට මෙන්ම ප්රවාහන ක්ෂේත්රයට ද බලපෑමක් නොවන පරිදි සමබර තීරණයක් අපේක්ෂා කෙරේ. මෙම ක්රියාවලිය හරහා ඉදිරියේදී ගාස්තු මට්ටම් සම්බන්ධයෙන් නිශ්චිත ප්රතිපත්තියක් ප්රකාශයට පත් කිරීමට නියමිත බව වාර්තා වේ.
බස් ගාස්තු සංශෝධනය කැබිනට් තීරණයකට
