රජයේ මූල්ය කටයුතු අධීක්ෂණය කරන ප්රධානතම ආයතනයක් වන පාර්ලිමේන්තු මුදල් කාරක සභාව මින් ඉදිරියට පවත්වාගෙන යාම දැඩි අභියෝගයක් වී ඇති බව එහි සභාපති, ආචාර්ය හර්ෂ ද සිල්වා මහතා පවසයි. අද (24) දින පාර්ලිමේන්තුවේදී විශේෂ ප්රකාශයක් සිදු කරමින් ඔහු කියා සිටියේ, කමිටු කටයුතු සඳහා තමන් වෙත ලැබී ඇති ඇතැම් අසාමාන්ය නියෝග හේතුවෙන් මෙම වගකීම තවදුරටත් ඉටු කිරීම අපහසු වී ඇති බවයි.දසවන පාර්ලිමේන්තු වාරය තුළ පමණක් මෙම කමිටුව වාර අසූ දෙකක් රැස්වී සක්රීයව කටයුතු කර ඇති පසුබිමක, මෙවැනි බාධාකාරී වාතාවරණයක් මතු වීම පිළිබඳව දේශපාලන ක්ෂේත්රයේ දැඩි අවධානයක් යොමුව තිබේ. සභාපතිවරයාගේ මෙම අනාවරණයත් සමඟ, මෙරට පොදු මූල්ය පාලනය සහ පාර්ලිමේන්තු කාරක සභාවල ස්වාධීනත්වය සම්බන්ධයෙන් මේ වන විට සමාජය තුළ බරපතළ කතිකාවතක් ද නිර්මාණය වෙමින් පවතී.මුදල් කාරක සභාවේ ක්රියාකාරීත්වයට එල්ල වී ඇති මෙම බලපෑම, රජයේ මූල්ය විනිවිදභාවය කෙරෙහි කෙලෙස බලපානු ඇත්ද යන්න පිළිබඳව බොහෝ දෙනා අවධාරණය කරති. පවතින තත්ත්වය හමුවේ පාර්ලිමේන්තුවේ වගකිවයුතු පාර්ශ්වයන් ඉදිරියේදී ගන්නා ක්රියාමාර්ග සහ ලබාදෙන ප්රතිචාර කෙබඳු විය හැකිද යන්න පිළිබඳව මේ වන විට දේශපාලන කරළියේ දැඩි කුතුහලයක් හටගෙන ඇත.
මුදල් කාරක සභාවේ ඉදිරි කටයුතු අවිනිශ්චිත තත්ත්වයක – ආචාර්ය හර්ෂ ද සිල්වා
