දේශීය හා ගෝලීය මූල්ය ක්ෂේත්රයේ ඇති වූ නව ප්රවණතාවලට ගැළපෙන පරිදි 2011 අංක 42 දරන මුදල් ව්යාපාර පනත සංශෝධනය කිරීමට අමාත්ය මණ්ඩල අනුමැතිය හිමිව තිබේ. මුදල්, ක්රමසම්පාදන සහ ආර්ථික සංවර්ධන අමාත්යවරයා ලෙස ජනාධිපතිවරයා ඉදිරිපත් කළ මෙම යෝජනාවට අනුව, අදාළ පනත් කෙටුම්පත සකස් කිරීම සඳහා නීති කෙටුම්පත් සම්පාදකවරයාට උපදෙස් ලබා දී ඇත. වසර 15කට පමණ පසු මෙම නීති රීති යාවත්කාලීන වන්නේ මූල්ය සමාගම් නියාමනය වඩාත් විධිමත් කිරීමේ අරමුණෙනි.මෙහිදී ප්රධාන වශයෙන්ම මූල්ය ආයතන සඳහා බලපත්ර නිකුත් කිරීම, අධීක්ෂණ කටයුතු සහ ආයතනික යහපාලනය යන අංශ කෙරෙහි වැඩි අවධානයක් යොමු කර ඇත. මූල්ය වෙළඳපොළේ සිදුවන වෙනස්කම් හමුවේ පවතින නියාමන රාමුව තවදුරටත් ශක්තිමත් කිරීමේ අවශ්යතාව රජය විසින් හඳුනාගෙන තිබේ. මෙම ප්රතිසංස්කරණ හරහා මූල්ය ආයතන පවත්වාගෙන යාමේදී වඩාත් විනිවිදභාවයකින් යුත් පාලන ක්රමවේදයක් අපේක්ෂා කෙරේ.මීට අමතරව, තැන්පත්කරුවන්ගේ ආරක්ෂාව තහවුරු කිරීම සහ අනවසර තැන්පතු ලබාගන්නා ආයතනවලට එරෙහිව නීතිය තදින් ක්රියාත්මක කිරීම සඳහා අවශ්ය බලතල මෙම සංශෝධන මගින් ශක්තිමත් කිරීමට නියමිතය. ජනතාවගේ මුදල් සුරක්ෂිත කිරීම වෙනුවෙන් පවතින නීතිමය විධිවිධාන වඩාත් බලගැන්වීම මෙම සමස්ත ක්රියාවලියේ මූලික ඉලක්කය වී ඇත.
මුදල් ව්යාපාර පනතේ නීතිමය රාමුව දැඩි වෙයි
