යාපනය, නගර් කෝවිල් වෙරළ ප්රදේශය කේන්ද්ර කරගනිමින් නාවික හමුදාව ක්රියාත්මක කළ විශේෂ සෝදිසි මෙහෙයුමකදී, නීතිවිරෝධී ලෙස මුහුදු කූඩැල්ලන් ඇල්ලූ පුද්ගලයන් හයදෙනෙකු අත්අඩංගුවට ගෙන තිබේ. මොවුන් බලපත්ර රහිතව රාත්රී කාලයේ කිමිදුම් කටයුතුවල නිරත වෙමින් අල්ලාගත් මුහුදු කූඩැල්ලන් තොගයක් ගොඩබිමට රැගෙන එමින් සිටියදී මෙලෙස නාවික හමුදා භාරයට පත්ව ඇත. සාගර සම්පත් අවභාවිත කරමින් සිදුකරන මෙවැනි ජාවාරම් මැඩපැවැත්වීමට නාවික හමුදාව නිරන්තර අවධානයෙන් පසුවෙයි.මෙම මෙහෙයුමේදී අත්අඩංගුවට ගත් සැකකරුවන් වයස අවුරුදු 23ත් 37ත් අතර පසුවන මන්නාරම සහ යාපනය වැල්වැටිතුරයි යන ප්රදේශවල පදිංචිකරුවන් බව හඳුනාගෙන ඇත. සැකකරුවන් සන්තකයේ තිබූ මුහුදු කූඩැල්ලන් තොගය සමඟ ඔවුන් ගමන් කළ ඩිංගි යාත්රාව සහ නීතිවිරෝධී ලෙස කිමිදීමට භාවිත කළ උපකරණ රැසක් ද නාවික හමුදා භාරයට ගැනීමට කටයුතු කර තිබේ.අත්අඩංගුවට ගත් සැකකරුවන් සහ නඩු භාණ්ඩ ඉදිරි නීතිමය පියවර සඳහා යාපනය ධීවර පරීක්ෂක කාර්යාලය වෙත භාර දී ඇත. සාගර පද්ධතියේ ජෛව විවිධත්වය ආරක්ෂා කිරීම වෙනුවෙන් නීතිවිරෝධී ධීවර කටයුතු වැළැක්වීමට බලධාරීන් දැඩි ක්රියාමාර්ග ගනිමින් සිටින අතර, මෙම වැටලීම ද එහි තවත් එක් පියවරකි.
යාපනයේදී නීතිවිරෝධී මුහුදු කූඩැල්ලන් දඩයමක් නාවික හමුදා දැලට හසුවේ!
