දේශීය වෙළඳපොළේ සහල් සැපයුම සම්බන්ධයෙන් පවතින කතාබහ පිළිබඳව අදහස් දක්වමින්, රට තුළ කිසිදු සහල් හිඟයක් නොමැති බව අමාත්ය වසන්ත සමරසිංහ මහතා අවධාරණය කරයි. ජනතාවගේ ආහාර සුරක්ෂිතතාව තහවුරු කිරීම සඳහා රජය උපරිම මැදිහත් වීමක් සිදු කර ඇති අතර, කෘත්රිම හිඟයක් මවාපාමින් මිල ඉහළ දැමීමට ඇති ඉඩකඩ මේ හරහා වැළකෙනු ඇත. මේ වන විට වී අලෙවි මණ්ඩලය සතු රතු සහ සුදු සහල් මෙට්රික් ටොන් හතලිස් දහසකට ආසන්න තොගයක් පවතින බවත්, ඊට අමතරව ආදේශක සහල් තොග සාර්ථකව රට තුළට ආනයනය කරමින් පවතින බවත් අමාත්යවරයා පෙන්වා දෙයි.දේශීය නිෂ්පාදන සහ ආනයනික සහල් තොග නිසි ලෙස කළමනාකරණය කරමින් වෙළඳපොළ සැපයුම අඛණ්ඩව පවත්වාගෙන යාමට රජය පියවර ගෙන ඇති බැවින්, සහල් හිඟයක් පිළිබඳ අනියත බියක් ඇති කරගත යුතු නැත. ඉදිරි කාලසීමාව තුළ සහල් වෙළඳපොළේ මිල ස්ථාවරත්වය ආරක්ෂා කිරීම සඳහා අදාළ අංශ දැඩි අවධානයකින් කටයුතු කරනු ඇත. පාරිභෝගිකයාට සාධාරණ මිලකට සහල් මිලදී ගැනීමට අවශ්ය පසුබිම සකසමින්, ජාතික අවශ්යතාවයට සරිලන පරිදි මෙම සහල් තොග බෙදාහැරීමේ ක්රියාවලිය විනිවිදභාවයකින් යුතුව ඉදිරියටත් ක්රියාත්මක කිරීමට නියමිතය.
රට තුළ සහල් හිඟයක් නැහැ – අමාත්ය වසන්ත සමරසිංහ
