රුසියානු සමූහාණ්ඩුවේ සෞඛ්ය අමාත්ය මිහායිල් මුරාෂ්කෝ මහතා ඇතුළු දූත පිරිස සිය තෙදින නිල සංචාරය නිමා කරමින් අද (05) උදෑසන කටුනායක ගුවන්තොටුපොළින් පිටව ගියහ. මෙම අවස්ථාවට සෞඛ්ය නියෝජ්ය අමාත්ය වෛද්ය හංසක විඡේමුණි සහ රුසියානු තානාපති ලෙවාන් ජගාරෙයාන් ඇතුළු නිලධාරීන් පිරිසක් සහභාගී වූහ.දෙරටේ සෞඛ්ය සබඳතා නව මාවතකට යොමු කිරීම මෙම සංචාරයේ ප්රධාන අරමුණ වූ අතර, රුසියානු අමාත්යවරයා මෙරට සෞඛ්ය අමාත්ය වෛද්ය නලින්ද ජයතිස්ස මහතා සමඟ විශේෂ ද්විපාර්ශ්වික සාකච්ඡාවල නිරත විය. එහිදී ශ්රී ලංකාවේ ප්රාථමික සෞඛ්ය සේවාව නඟාසිටුවීම සඳහා රුසියාවේ සහාය ලබාගැනීම පිළිබඳව දීර්ඝ ලෙස අවධානය යොමු කෙරිණි.විශේෂයෙන්ම කෘත්රිම බුද්ධිය (AI) වැනි නවීන තාක්ෂණික මෙවලම් මෙරට වෛද්ය ක්ෂේත්රයට හඳුන්වා දීම හා ඩිජිටල්කරණය පිළිබඳව මෙහිදී දෙපාර්ශවය අතර එකඟතාවන් ඇති විය. මීට අමතරව ඖෂධ නිෂ්පාදනය, වෛද්ය උපකරණ සැපයීම සහ සංචාරක සෞඛ්ය සේවාව ප්රවර්ධනය කිරීම සම්බන්ධයෙන් ද වැදගත් තීරණ කිහිපයක් ගනු ලැබීය.සංචාරයේ තවත් සුවිශේෂී අදියරක් ලෙස රුසියානු දූත පිරිස ඊයේ (04) කොළඹ ජාතික රෝහල සහ කොළඹ විශ්වවිද්යාලයේ වෛද්ය පීඨය නිරීක්ෂණය කළහ. එහිදී ජාතික රෝහලේ නව බාහිර රෝගී අංශය සහ හදිසි අනතුරු ඒකකයේ කටයුතු පිළිබඳව ඔවුන් සොයා බැලූ අතර, එම ආයතන නවීන තාක්ෂණයෙන් සන්නද්ධ කිරීමට ඇති හැකියාවන් විමසා බැලීය.ශ්රී ලංකික වෛද්ය විශේෂඥයන්ට රුසියාවේදී උසස් පුහුණුව ලබාදීම සහ දෙරටේ වෛද්ය පීඨ අතර ඒකාබද්ධ අධ්යයන පාඨමාලා ක්රියාත්මක කිරීම සම්බන්ධයෙන් ද සාධනීය සාකච්ඡා පැවැත්විණි. ආයුර්වේද වෛද්ය ක්රමය ජාත්යන්තර මට්ටමින් ප්රවර්ධනය කිරීමට රුසියාවේ සහයෝගය ලබාදීමට ද අමාත්යවරයා මෙහිදී කැමැත්ත පළ කළේය.සමස්තයක් ලෙස මෙම සංචාරය රුසියාව සහ ශ්රී ලංකාව අතර පවතින රාජ්ය තාන්ත්රික සබඳතාවන් සෞඛ්ය ක්ෂේත්රය ඔස්සේ තවදුරටත් තහවුරු කිරීමට සමත් වූ අතර, ඉදිරියේදී මෙරට සෞඛ්ය සේවාවේ ගුණාත්මක වර්ධනයක් සඳහා මෙම එකඟතාවන් බලපානු ඇතැයි අපේක්ෂා කෙරේ.
රුසියානු සෞඛ්ය අමාත්යවරයාගේ ලංකා සංචාරය සාර්ථකව නිමවෙයි
