ශ්රී ලංකා රේගුවේ නව අධ්යක්ෂ ජනරාල්වරයා ලෙස ශ්රී ලංකා පරිපාලන සේවයේ විශේෂ ශ්රේණියේ නිලධාරියෙකු වන විමල් එස්. කේ. ලියනගමගේ මහතා පත් කිරීමට අමාත්ය මණ්ඩලයේ එකඟතාව හිමිව තිබේ. දැනට කළමනාකරණ සේවා දෙපාර්තමේන්තුවේ අධ්යක්ෂ ජනරාල් ධුරය හොබවන ඒ මහතා, රේගු පරිපාලනයේ ඉදිරි කටයුතු මෙහෙයවීම සඳහා මෙලෙස තේරී පත්ව ඇත. රජයේ උසස් නිලතල සඳහා සිදු කෙරෙන මෙම නව පත්වීම ආයතනික කාර්යක්ෂමතාව ඉහළ නැංවීමේ අරමුණින් ගනු ලැබූවකි.වත්මන් රේගු අධ්යක්ෂ ජනරාල් එස්. පී. අරුක්ගොඩ මහතාගේ සේවා කාලය අදින් (05) අවසන් වීමට නියමිතව ඇති අතර, එම පුරප්පාඩුව පිරවීම සඳහා ලියනගමගේ මහතා පත් කිරීමට රජය තීරණය කර ඇත. ඒ අනුව, මූල්ය හා කළමනාකරණ ක්ෂේත්රයේ අත්දැකීම් බහුල නිලධාරියෙකු වන ඔහු ඉදිරි දින කිහිපය තුළ සිය නව ධුරයේ රාජකාරි ආරම්භ කිරීමට නියමිතය. මෙම වෙනස හරහා රේගු දෙපාර්තමේන්තුවේ ඉදිරි මෙහෙයුම් කටයුතු නව මුහුණුවරකින් ක්රියාත්මක වනු ඇතැයි අපේක්ෂා කෙරේ.
රේගු ප්රධානියා ලෙස විමල් ලියනගමගේ පත් කෙරේ
