මඩකලපුව භූ විද්යා සමීක්ෂණ හා පතල් කාර්යාංශයේ නිලධාරීන්ගේ රාජකාරියට බාධා කිරීමේ සිද්ධියක් සම්බන්ධයෙන් අත්අඩංගුවට ගෙන සිටි පූජ්ය අම්පිටියේ සුමනරතන හිමියන් මුදාහැරීමට මඩකලපුව මහේස්ත්රාත් අධිකරණය නියෝග කර තිබේ. ඒ අනුව උන්වහන්සේ රුපියල් ලක්ෂ දෙකක බැගින් වූ ශරීර ඇප දෙකක් මත නිදහස් කර ඇති බව වාර්තා වේ.පසුගිය 07 වැනි දින මඩකලපුව පොලිසිය විසින් මෙම අත්අඩංගුවට ගැනීම සිදු කර තිබුණේ අදාළ රාජකාරී බාධා කිරීමේ සිද්ධිය මුල් කරගනිමිනි. පතල් කාර්යාංශයේ නිලධාරීන් තම රාජකාරී කටයුතුවල නිරතව සිටියදී එහි ගොස් ගැටුම්කාරී ලෙස හැසිරීම සහ ඊට බාධා කිරීම යන චෝදනා යටතේ උන්වහන්සේට එරෙහිව නීතිමය පියවර ගෙන තිබිණි.අධිකරණය හමුවට ඉදිරිපත් කිරීමෙන් අනතුරුව කරුණු සලකා බැලූ මහේස්ත්රාත්වරයා මෙම ඇප නියෝගය නිකුත් කර ඇත. මෙම සිද්ධිය සම්බන්ධයෙන් ඉදිරි නීතිමය කටයුතු ඉදිරියේදී ක්රියාත්මක වීමට නියමිතව තිබේ.
අම්පිටියේ සුමනරතන හිමිට ඇප
