අමෙරිකාව සහ ඉරානය අතර පවතින උණුසුම්කාරී තත්ත්වය සමනය කිරීමේ අරමුණින් දෙරටේ නියෝජිතයින් අද (30) කටාර් රාජ්යයේ දෝහා නුවරදී හමුවීමට නියමිතව තිබේ. මෙම සාකච්ඡා පිළිබඳ තොරතුරු අමෙරිකානු ජනාධිපති ඩොනල්ඩ් ට්රම්ප් විසින් සිය සමාජ මාධ්ය ගිණුමක් ඔස්සේ තහවුරු කර ඇති අතර, ගැටුම් අවම කර ගනිමින් යළි සාමකාමී සංවාදයකට පිවිසීම මෙහි ප්රධාන අරමුණ වී ඇත.මෙම හමුවේදී හෝමූස් සමුද්රසන්ධියේ නාවික ගමනාගමන කටයුතු සහ දෙරට අතර ඇති කරගත හැකි අවබෝධතා ගිවිසුම් සම්බන්ධයෙන් විශේෂ අවධානය යොමු කෙරෙනු ඇතැයි විදෙස් මාධ්ය වාර්තා කරයි. කලාපීය ආරක්ෂාව සහ නාවික සංචරණයේ ස්ථාවරත්වය තහවුරු කර ගැනීම මෙම සාකච්ඡාවල තීරණාත්මක සාධකයක් වනු ඇතැයි අපේක්ෂා කෙරේ.කෙසේ වෙතත්, ඉරාන විදේශ අමාත්යවරයා සඳහන් කර ඇත්තේ, ඉදිරි දින 30ක කාලසීමාව තුළදීත් හෝමූස් සමුද්රසන්ධියේ පාලනය අඛණ්ඩව ඉරානය සතු ව පවතිනු ඇති බවයි. දෙරටේ රාජ්ය තාන්ත්රික මට්ටමේ මැදිහත්වීම් මත පැවැත්වෙන මෙම සාකච්ඡාවලින් ලැබෙන ප්රතිඵල කෙරෙහි ජාත්යන්තර ප්රජාව දැඩි අවධානයකින් පසුවෙයි.
අමෙරිකාව සහ ඉරානය අතර දෝහාහිදී සාකච්ඡාවක්
