ඇමරිකාව සහ ඉරානය අතර උද්ගතව තිබූ ගැටුම්කාරී වාතාවරණය තාවකාලිකව අත්හිටුවීමත් සමග මධ්යම ආසියානු බලශක්ති සැපයුම් යථා තත්ත්වයට පත්වනු ඇති බවට මත පළවීමත් සමඟ ලෝක වෙළඳපොලේ බොරතෙල් මිල සියයට 1ක පමණ ප්රමාණයකින් පහත වැටී තිබේ.ඒ අනුව, බ්රෙන්ට් බොරතෙල් බැරලයක මිල අමෙරිකානු ඩොලර් 87.82ක් දක්වා ද, වෙස්ට් ටෙක්සාස් ඉන්ටර්මීඩියට් (WTI) බොරතෙල් මිල ඩොලර් 81.95ක් දක්වා ද පහළ ගිය අතර, මෙම අගයන් පසුගිය සතියකට ආසන්න කාලයක් තුළ වාර්තා වූ අවම මට්ටම් ලෙස සටහන් විය.දෙරට අතර සාධනීය සාකච්ඡා මට්ටමක පවතින බවත් ගැටුමට විසඳුමක් ලැබීමේ හැකියාව ඇති බවත් අමෙරිකානු ජනාධිපති ඩොනල්ඩ් ට්රම්ප් ප්රකාශ කර ඇතත්, සාකච්ඡා අසාර්ථක වුවහොත් ප්රහාර නැවත ආරම්භ කරන බවට ද ඔහු අනතුරු අඟවා තිබේ. කෙසේ වෙතත්, රතු මුහුදේ සහ හෝමෝස් සමුද්ර සන්ධියේ නාවික ගමනාගමනයට බාධා එල්ල වී තිබුණද ආසියානු කලාපයෙන් පවතින ඉල්ලුම අඩුවීම හේතුවෙන් තෙල් මිල තවදුරටත් ඉහළ යාම වැළකී ඇති බව වෙළඳපොළ විශ්ලේෂකයෝ පෙන්වා දෙති.
අමෙරිකා-ඉරාන ගැටුම් සමනය වීමත් සමඟ ගෝලීය තෙල් මිල පහළට
