දිට්වා සුළි කුණාටුව හේතුවෙන් උඩරට දුම්රිය මාර්ගයේ ස්ථාන කිහිපයකට සිදු වූ නායයෑම් හානි යථා තත්ත්වයට පත් කිරීමේ කඩිනම් ප්රතිසංස්කරණ ව්යාපෘතියක් මේ වන විට ආරම්භ කර ඇත. කොටගල, ග්රේඩ්වෙස්ටන්, නානුඔය, පැරකුම්පුර සහ අඹේවෙල යන දුම්රිය ස්ථාන ආශ්රිතව හඳුනාගත් අවදානම් ස්ථාන පහක් කේන්ද්ර කරගනිමින් මෙම වැඩපිළිවෙළ ක්රියාත්මක වේ. නුවරඑළිය දිස්ත්රික් පාර්ලිමේන්තු මන්ත්රී මංජුල සුරවීරආරච්චි මහතා සඳහන් කරන්නේ එළඹෙන සැප්තැම්බර් මාසය වන විට මෙම සියලුම ප්රතිසංස්කරණ කටයුතු සම්පූර්ණයෙන්ම අවසන් කිරීමට සැලසුම් කර ඇති බවයි.මෙම ව්යාපෘතිය යටතේ කොටගල සහ තලවකැලේ අතර 112.5 සැතපුම් කණුව අසල මීටර් 50ක දුම්රිය මාර්ග කොටස මෙන්ම නානුඔය සහ අඹේවෙල අතර නායගිය ස්ථාන පිළිසකර කිරීම පෞද්ගලික අංශයේ දායකත්වය ඇතිව සිදු කෙරේ. දුම්රිය දෙපාර්තමේන්තුවේ විධායක ඉංජිනේරුවරයාගේ සෘජු අධීක්ෂණය යටතේ සිදු කෙරෙන මෙම ඉදිකිරීම් සඳහා දෙපාර්තමේන්තුව සතු විශේෂ සේවා සැපයුම් දුම්රියක් සහ කාර්ය මණ්ඩලයක් ද අනුයුක්ත කර ඇත. එහිදී ප්රධාන වශයෙන්ම කොටගල හා තලවකැලේ අතර ප්රදේශයේ ආරක්ෂිත පැති බැමි ඉදිකිරීම සහ කළුගල් අතුරමින් මාර්ගය ස්ථාවර කිරීමේ කටයුතු සිදු කෙරේ.දේශීය ප්රවාහනයට මෙන්ම සංචාරක කර්මාන්තයට ද විශාල දායකත්වයක් සපයන උඩරට දුම්රිය මාර්ගය මෙරට ආර්ථිකයේ ප්රධාන සන්ධිස්ථානයක් වන බැවින්, මෙම කටයුතු නියමිත කාලයට නිම කිරීම අත්යවශ්ය වී තිබේ. ඉදිකිරීම්වල ප්රගතිය නිරන්තරයෙන් නිරීක්ෂණය කෙරෙන අතර, මෙමගින් අනාගතයේදී සිදුවිය හැකි ස්වභාවික ආපදා අවම කරගනිමින් මගී ජනතාව වෙනුවෙන් වඩාත් සුරක්ෂිත දුම්රිය ගමනාගමනයක් නැවත ස්ථාපිත කිරීමට බලධාරීන් අපේක්ෂා කරයි.
උඩරට දුම්රිය මාර්ගය කඩිනමින් පිළිසකර කෙරේ
