ජාත්‍යන්තර පාපන්දු පිටියේ සිය අගනා සංචාරය නිමා කරමින්, ආර්ජන්ටිනා සුපිරි තරු ලයනල් මෙසී බුවනෝස් අයර්ස් නුවරදී සිය සමුගැනීම සනිටුහන් කළේය. වසර විසි එකකට අධික කාලයක් ජාත්‍යන්තර කඩඉම් පසුකළ මෙසී, බෙනින් කණ්ඩායමට එරෙහිව පැවති තරගයෙන් අනතුරුව නිල වශයෙන් ක්‍රීඩා දිවියෙන් සමුගත්තේය.ප්‍රේක්ෂකයන් අසූ පන්දසකට අධික සංඛ්‍යාවකගේ සහභාගීත්වයෙන් පැවති මෙම තරගය ගෝල 3-0ක් ලෙස ජය ගැනීමට ආර්ජන්ටිනාව සමත් විය. එහිදී තම 208 වැනි ජාත්‍යන්තර තරගයට එක් වූ මෙසී, 71 වැනි මිනිත්තුවේදී දඬුවම් පහරක් සාර්ථක කර ගනිමින් සිය 126 වැනි ජාත්‍යන්තර ගෝලය වාර්තා කිරීමට සමත් විය. තවද, නිකොලස් ඔටමෙන්ඩි රැස්කළ ගෝලයටද ඔහු අනගි සහයෝගයක් ලබා දුන්නේය.ආර්ජන්ටිනාවට 2022 ලෝක කුසලානය මෙන්ම කෝපා ඇමරිකා ශූරතා දිනාදීමට පුරෝගාමී වූ මෙසීගේ මෙම සමුගැනීමත් සමඟ ඔහුගේ ජාත්‍යන්තර ක්‍රීඩා පරිච්ඡේදය නිමාවට පත්ව ඇත. අන්තර් මියාමි සමාජ කණ්ඩායම සමඟ ඔහු තවදුරටත් 2028 දක්වා ගිවිසුම්ගතව සිටියද, ජාත්‍යන්තර පිටියෙන් සමුගැනීමෙන් පසු ඔහුගේ මීළඟ පියවර කුමක් වේද යන්න පිළිබඳව තවමත් නිශ්චිත තොරතුරක් අනාවරණය වී නැත.
ජාත්‍යන්තර පාපන්දු පිටියෙන් ලයනල් මෙසී සමුගනී
