කොස්ලන්ද – වැල්ලවාය ප්රධාන මාර්ගයට යාබදව පිහිටි දියලුම දිය ඇල්ල අවට ඌව මාවෙලගම කඳුකර ප්රදේශයේ ඊයේ (17) පස්වරුවේ හදිසි ගින්නක් හටගෙන තිබේ. මෙම ගින්න රාත්රිය පුරාම පැතිර යාම හේතුවෙන් එම රක්ෂිතයේ සැලකිය යුතු කොටසක් මේ වන විට දැවී ගොස් ඇත.ප්රදේශීය වාර්තා පෙන්වා දෙන පරිදි, ගින්නෙන් මේ වන විට විනාශ වී ඇති භූමි ප්රමාණය අක්කර 20කට අධිකය. මෙම තත්ත්වය නිසා අදාළ කඳුකර පරිසර පද්ධතියට සහ එහි පවතින ජෛව විවිධත්වයට බරපතළ හානියක් සිදුවී ඇති බව වාර්තා වේ.කඳුකරයේ පවතින දුෂ්කර භූමිකාව සහ අසීරු පිහිටීම හේතුවෙන් ගින්න පැතිර යාම පාලනය කිරීමට දැඩි අපහසුතා මතුව තිබේ. ගින්න ඇතිවීමට නිශ්චිත හේතුව හෝ එය මැඩපැවැත්වීම සඳහා ගෙන ඇති ඉදිරි පියවර පිළිබඳව තවමත් නිල තොරතුරු ලැබී නොමැත.
දියලුම කඳු පන්තියේ හටගත් ගින්නෙන් විශාල හානියක්
