දිවයිනේ උතුරු-මැද සහ නැගෙනහිර පළාත්වලට මෙන්ම යාපනය, කිලිනොච්චි, මුලතිව්, වව්නියා, කුරුණෑගල, මොනරාගල සහ හම්බන්තොට යන දිස්ත්රික්කවලට ඉදිරි දිනවලදී මිනිස් සිරුරට දැඩි උණුසුමක් දැනිය හැකි බව කාලගුණ විද්යා දෙපාර්තමේන්තුව නිවේදනය කර තිබේ. කාලගුණ අංශ විසින් නිකුත් කරන ලද නවතම වාර්තාවකට අනුව, මෙම ප්රදේශවල දිවා කාලයේ උණුසුම් දර්ශකය ‘අවධානය යොමු කළ යුතු’ මට්ටමක පවතින බව සඳහන් වේ.මේ තත්ත්වය හමුවේ සෞඛ්යාරක්ෂිතව කටයුතු කිරීම සඳහා මහජනතාව විශේෂ පියවර ගැනීම අත්යවශ්ය වේ. ඒ අනුව, නිතර ප්රමාණවත් පරිදි ජලය පානය කරන ලෙසත්, සෙවණ සහිත ස්ථානවල රැඳෙමින් හැකි පමණ විවේක ගන්නා ලෙසත් බලධාරීන් උපදෙස් දෙයි. විශේෂයෙන්ම වැඩිහිටියන්, රෝගීන් මෙන්ම කුඩා දරුවන් සම්බන්ධයෙන් දැඩි අවධානයක් යොමු කළ යුතු අතර, කිසිදු විටෙක දරුවන් වාහන තුළ තනිකර දමා යාමෙන් වළකින ලෙසද දැඩිව දන්වා ඇත.එසේම, දහවල් කාලයේදී අධික වෙහෙසකාරී ක්රියාකාරකම්වල නිරත වීම සීමා කිරීම වැදගත් වේ. සිරුරට සුවපහසුවක් ගෙන දෙන සුදු හෝ ලා පැහැති සැහැල්ලු ඇඳුම් භාවිත කිරීමෙන් මෙම උණුසුම් කාලගුණයේ බලපෑම අවම කර ගැනීමට හැකි වන බව කාලගුණ විද්යා දෙපාර්තමේන්තුව වැඩිදුරටත් පෙන්වා දෙයි.
දිස්ත්රික්ක කිහිපයකට දැඩි උණුසුම් කාලගුණයක් – අවධානමින් පසුවන්නැයි දැනුම්දීමක්
