පාර්ලිමේන්තු මන්ත්රී නාමල් රාජපක්ෂ මහතාට එරෙහිව පවරා ඇති ක්රිෂ් ගනුදෙනුව පිළිබඳ නඩුවේ සාක්ෂි විමසීම සඳහා ඉන්දීය ජාතික සාක්ෂිකරුවන් දෙදෙනෙකුට සිතාසි නිකුත් කිරීමට කොළඹ මහාධිකරණය අද (25) නියෝග කළේය. කොළඹ මහාධිකරණ විනිසුරු නදි අපර්ණා සුවඳුරුගොඩ මහත්මිය විසින් මෙම නියෝගය ප්රකාශයට පත් කරන ලදී.අදාළ සාක්ෂිකරුවන් දෙදෙනා මෙතෙක් සම්බන්ධ කර ගැනීමට අපහසු වී ඇති බව අපරාධ පරීක්ෂණ දෙපාර්තමේන්තුව (CID) විසින් අධිකරණයට දැනුම් දී තිබුණි. එම කරුණු සලකා බැලූ විනිසුරුවරිය, අධිකරණ සේවා කොමිෂන් සභා චක්රලේඛවලට අනුකූලව විදේශීය සාක්ෂිකරුවන් කැඳවීමේ නිල සහ නීත්යානුකූල ක්රමවේදයන් අනුගමනය කරමින් මෙම සිතාසි යොමු කිරීමට පියවර ගන්නා ලෙස CID නිලධාරීන්ට නියම කළාය.මීට පෙර අවස්ථාවලදී ද මෙම නඩුවේ සාක්ෂි විමසීම් සඳහා විදේශීය පාර්ශවයන් සම්බන්ධ කරගැනීම පිළිබඳව නීතිමය අවධානය යොමුව තිබුණි. ඒ අනුව අද දින මහාධිකරණය විසින් ලබාදුන් මෙම නියෝගය, අදාළ මූල්ය වංචා නඩු කටයුත්ත ඉදිරියට පවත්වාගෙන යාම සඳහා ගනු ලැබූ තීරණාත්මක පියවරක් ලෙස සැලකේ.
නාමල් රාජපක්ෂට එරෙහි ක්රිෂ් නඩුවේ ඉන්දීය සාක්ෂිකරුවන්ට සිතාසි
