පළාත් සභා මැතිවරණ කටයුතු වෙනුවෙන් වෙන් කර ඇති ප්රතිපාදන කිසිසේත්ම ආපදා සහන කටයුතු සඳහා යොදාගෙන නොමැති බව අග්රාමාත්ය ආචාර්ය හරිනි අමරසූරිය මහත්මිය අද (10) පාර්ලිමේන්තුවේදී ප්රකාශ කළාය. පීඩාවට පත් ජනතාවට සහන සැලසීම සහ යටිතල පහසුකම් නැවත සකස් කිරීම වෙනුවෙන් පරිත්යාගශීලීන්ගෙන් ලැබුණු සියලුම මූල්ය ආධාර, නියෝජ්ය භාණ්ඩාගාර ලේකම්වරයා යටතේ පවතින විශේෂ ගිණුමක සුරක්ෂිතව තැන්පත් කර ඇති බවද ඇය අවධාරණය කළාය.රටේ ජාතික ප්රමුඛතා හඳුනාගනිමින් මෙම විශේෂ අරමුදල් විනිවිදභාවයකින් යුතුව පරිහරණය කිරීමට රජය සැලසුම් කර ඇත. ඒ අනුව, ආපදාවෙන් පීඩාවට පත් වූවන්ගේ ජීවනෝපාය මාර්ග යථා තත්ත්වයට පත් කිරීම සහ හානියට පත් පොදු දේපළ නැවත ගොඩනැඟීම සඳහා පමණක් මෙම මුදල් කාර්යක්ෂමව උපයෝගී කර ගන්නා බව අග්රාමාත්යවරිය මෙහිදී පෙන්වා දුන්නාය.මෙම මූල්ය පරිපාලන ක්රියාවලියේදී රජය උපරිම වගවීමකින් කටයුතු කරන බව ප්රකාශ කළ අග්රාමාත්යවරිය, අදාළ අරමුදල් කළමනාකරණය කිරීමේදී යහපාලන මූලධර්මවලට මුල් තැන දෙමින් කටයුතු කරන බවද වැඩිදුරටත් සපථ කළාය.
පළාත් සභා මැතිවරණ මුදල් ආපදා සහනවලට ගෙන නෑ – ආචාර්ය හරිනි අමරසූරිය
