මත්පැන් බෝතල් සඳහා ව්යාජ ආරක්ෂිත ස්ටිකර් භාවිත කිරීමේ මහා පරිමාණ ජාවාරමක් හේතුවෙන් රජයට අහිමි වන බදු ආදායම අතිමහත් බව පාර්ලිමේන්තු රාජ්ය මුදල් කාරක සභාවේ සභාපති ආචාර්ය හර්ෂ ද සිල්වා මහතා පවසයි. සුවසැරිය ගිලන්රථ සේවාව පවත්වාගෙන යාම සඳහා රජය වාර්ෂිකව වැය කරන මුදල මෙන් අට ගුණයකටත් වඩා වැඩි මුදලක් මෙම වංචාව නිසා ජාවාරම්කරුවන් අතට පත්වන බව හෙතෙම පෙන්වා දෙයි.මෙම මූල්ය අලාභයට ප්රධාන හේතුව ලෙස හර්ෂ ද සිල්වා මහතා පෙන්වා දෙන්නේ සුරාබදු දෙපාර්තමේන්තුවේ පවතින දැඩි අකාර්යක්ෂමතාවයි. බදු එකතු කිරීමේ ක්රියාවලිය විධිමත් කිරීම සඳහා අවම මට්ටමේ පරිගණක පද්ධතියක් හෝ ස්ථාපිත කිරීමට එම දෙපාර්තමේන්තුව මෙතෙක් අපොහොසත් වීම ඔහු දැඩි ලෙස විවේචනය කරයි. එසේම, වත්මන් ක්රමවේදය යටතේ ඩිජිටල් ස්ටිකර් සඳහා වැය කරන මුදල, සාමාන්ය මුද්රිත ස්ටිකරයකට වැය කරන මුදලට සමාන වීම බරපතළ මූල්ය දෝෂයක් බවද ඔහු සඳහන් කරයි.රජයේ ආදායම සුරක්ෂිත කර ගැනීම සඳහා වහාම මෙම තාක්ෂණික වංචාවන් නතර කර, බදු එකතු කිරීමේ ක්රියාවලිය නවීකරණය කළ යුතු බව සභාපතිවරයා අවධාරණය කරයි. අහිමි වන මෙම දැවැන්ත බදු ආදායම රටේ මහජන සේවාවන් සඳහා වැය කළ හැකිව තිබූ මුදල් බවත්, එම අවස්ථාව ජාවාරම්කරුවන් නිසා ගිලිහී ගොස් ඇති බවත් ඔහු වැඩිදුරටත් කියා සිටී.
මත්පැන් ස්ටිකර් වංචාවෙන් අහිමි වන ආදායම ගැන හර්ෂ ද සිල්වාගෙන් හෙළිදරව්වක්
