දූෂණ සහ මූල්ය අක්රමිකතා චෝදනා ලැබ සිටින පාර්ලිමේන්තු මන්ත්රී චාමර සම්පත් දසනායක මහතාට පනවා තිබූ විදේශ ගමන් තහනම තාවකාලිකව ලිහිල් කිරීමට කොළඹ මහාධිකරණය අද (18) නියෝග කළේය. නීතිඥවරුන් විසින් ඉදිරිපත් කළ විශේෂ මෝසමකට අනුව මෙම නඩුව අධිකරණය හමුවේ කැඳවූ අවස්ථාවේදී විත්තිකාර මන්ත්රීවරයා ද පෙනී සිටියේය.විත්ති පාර්ශ්වයේ ජ්යෙෂ්ඨ නීතිඥවරයා අධිකරණයට පෙන්වා දුන්නේ මන්ත්රීවරයාට අත්යවශ්ය විදේශ සංචාරයක නිරත වීමට අවශ්යතාවක් පැනනැඟී ඇති බැවින් මෙම තහනම තාවකාලිකව ඉවත් කරන ලෙසයි. ඉදිරිපත් වූ කරුණු මැනවින් සලකා බැලූ මහාධිකරණ විනිසුරුවරයා, අදාළ නිල විදේශ ගමන් තහනම නිශ්චිත කාලසීමාවකට යටත්ව ඉවත් කිරීමට අවසර ලබා දුන්නේය.මෙම නඩුව පවරා ඇත්තේ 2016 වසරේ ඔහු ඌව පළාත් ප්රධාන අමාත්යවරයා ලෙස කටයුතු කළ සමයේ, පළාත් සභාව සතු රේඛිත රජයේ චෙක්පතක් නීති විරෝධී ලෙස තමාගේ පෞද්ගලික බැංකු ගිණුමක තැන්පත් කර මහජන මුදල් අවභාවිත කළ බවටයි. අල්ලස් හෝ දූෂණ චෝදනා විමර්ශන කොමිෂන් සභාව විසින් මන්ත්රීවරයාට එරෙහිව මෙම බරපතළ වංචා චෝදනා ගොනු කර තිබේ.
මන්ත්රී චාමර සම්පත්ගේ විදේශ ගමන් තහනම තාවකාලිකව ඉවතට
