ඓතිහාසික මහනුවර ඇසළ පෙරහැර මංගල්යයේ අවසන් කුඹල් පෙරහැර අද (22) පස්වරුවේ ඉතා උත්කර්ෂවත් අයුරින් වීථි සංචාරය කිරීමට නියමිතය. ඒ අනුව, පාරම්පරික සංස්කෘතික චාරිත්රානුකූලව පස්වරු 6:28 ට යෙදෙන සුබ මොහොතින් උතුරු දිශාභිමුඛව පෙරහැර ආරම්භ කිරීමට නියමිත අතර, ශ්රී දළදා මාලිගාවේ වාහල්කඩ අසල සඳකඩපහණ වෙත කරඬුව වැඩමවාගත් මංගල හස්තියා පා තබන මොහොතත් සමඟම ගමන් ඇරඹෙනු ඇත.මෙම ගමන් මාර්ගය දළදා මාලිගා පරිශ්රයේ මහමළුවෙන් පිටත්වී දළදා වීදිය, යටිනුවර වීදිය සහ රජ වීදිය ඔස්සේ ගමන් කර නැවත දළදා මාලිගා පරිශ්රයට පැමිණීමට සැලසුම් කර ඇත. ශ්රී දළදා මාලිගාවේ පෙරහැර පෙරටු කරගනිමින් නාථ, විෂ්ණු, කතරගම සහ පත්තිනි යන සතර මහා දේවාලයන්හි පෙරහැරවල් ද මීට සමගාමීව එකතු වීමට නියමිතව තිබේ.මේ අතර, පෙරහැර මංගල්යයේ සිව්වන කුඹල් පෙරහැර ඊයේ (21) සවස සුබ නැකතින් ගමන් ආරම්භ කළ අතර, එහිදී ශ්රී සධාතුක කරඬු වහන්සේ වැඩමවීම ‘පුලතිසි රාජා’ හස්තියා විසින් සිදු කරනු ලැබීය. එදින පෙරහැර ශ්රී දළදා වීදිය, ඊ.එල්. සේනානායක වීදිය හා රජ වීදිය ඔස්සේ ගමන් කර සාර්ථකව අවසන් විය.
මහනුවර ඇසළ පෙරහැරේ අවසන් කුඹල් පෙරහැර අද
