මැදපෙරදිග කලාපයේ උද්ගතව ඇති නොසන්සුන්කාරී වාතාවරණය සහ ඉරාන අර්බුදය හේතුවෙන්, ලෝක වෙළෙඳපොළේ බලශක්ති සැපයුමට බාධා එල්ල විය හැකි බවට බිය පළවී තිබේ. මෙම තත්ත්වය මත බ්රෙන්ට් වර්ගයේ බොරතෙල් බැරලයක මිල එක්සත් ජනපද ඩොලර් 108 සීමාව ඉක්මවා ගොස් ඇති අතර, පසුගිය මැයි මාසයෙන් පසු බොරතෙල් මිල වාර්තා වූ ඉහළම අගය මෙය වේ.විදෙස් වාර්තා පෙන්වා දෙන ආකාරයට, විශේෂයෙන්ම හෝමුස් සමුද්ර සන්ධිය සහ රතු මුහුද ආශ්රිත ප්රදේශවල ගැටුම් උග්රවීමත් සමඟ මේ සතියේදී බොරතෙල් මිල ඩොලර් 100 සීමාව යළි ඉක්මවා ගියේය. මෙම සැපයුම් දාම අවදානම ගෝලීය ආර්ථිකයට දැඩි බලපෑමක් එල්ල කරමින් තිබේ.මෙම මිල ඉහළ යාම සඳහා ඇමරිකාව සහ ඉරානය අතර සිදුවන ප්රහාර හුවමාරු වීම්, හූති කැරලිකරුවන් විසින් සෞදි අරාබියට එල්ල කරන ප්රහාර මෙන්ම බැබ් අල්-මන්ඩැබ් සමුද්ර සන්ධියේ පවතින උණුසුම් මුහුදු මාර්ග තත්ත්වයන් ප්රධාන වශයෙන්ම හේතු වී ඇත.
මැදපෙරදිග අර්බුදය සමඟ ලෝක තෙල් මිල ඉහළට
