පුත්තලම සිට කොළඹ සහ ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්රදේශවලට ඉදිරියේදී තැනින් තැන වැසි ඇති විය හැකි බව කාලගුණ විද්යා දෙපාර්තමේන්තුව නිවේදනය කරයි. මෙම ප්රදේශවල සුළං නිරිත දෙසින් හමා එන අතර, එහි සාමාන්ය වේගය පැයට කිලෝමීටර 30ත් 40ත් අතර අගයක් ගනු ඇත. කෙසේ වෙතත්, කන්කසන්තුරය සිට මන්නාරම හරහා පුත්තලම දක්වා මෙන්ම හම්බන්තොට සිට පොතුවිල් දක්වා වන මුහුදු තීරයන්හි සුළගේ වේගය විටින් විට පැයට කිලෝමීටර 50ත් 60ත් දක්වා වැඩි වීමේ හැකියාවක් පවතී.මේ හේතුවෙන් අදාළ මුහුදු ප්රදේශ විටින් විට රළු විය හැකි අතර, කන්කසන්තුරය සිට මුලතිව් හරහා ත්රිකුණාමලය දක්වා වන වෙරළබඩ කලාපයද විටින් විට තරමක් රළු ස්වභාවයක් ගන්නා බව සඳහන් වේ. තවද, කොළඹ සිට ගාල්ල සහ මාතර හරහා පොතුවිල් දක්වා වන මුහුදු ප්රදේශවල රළ පහර මීටර් 2.0ත් 3.0ත් අතර උසකින් ඉහළ යාමට ඉඩ ඇත. විශේෂයෙන්ම බේරුවල සිට ගාල්ල හරහා මාතර දක්වා වන වෙරළ ආශ්රිත ප්රදේශවලට මුහුදු රළ ගොඩබිමට පැමිණීමේ අවදානමක්ද පවතියි.ඒ නිසා එම මුහුදු ප්රදේශවල නිරත වන ධීවර සහ නාවික ප්රජාව මෙන්ම වෙරළ තීරයට ආසන්නව ජීවත් වන ජනතාව දැඩි විමසිල්ලෙන් හා අවධානයෙන් පසුවන ලෙස බලධාරීන් තරයේ ඉල්ලා සිටියි. අනපේක්ෂිත සාගර තත්ත්වයන් හමුවේ සිදුවිය හැකි අවදානම් අවම කර ගැනීම සඳහා ආරක්ෂිත පියවර අනුගමනය කිරීම වැදගත් වේ.
වෙරළට ඔබ්බෙන් වන මුහුදු ප්රදේශවලට ඉදිරියේදී තැනින් තැන වැසි
