ඇමෙරිකාව සහ ඉරානය අතර ඇති කර ගැනීමට නියමිත නව සාම ගිවිසුම යටතේ ලෝක වෙළෙඳාමට අතිශය වැදගත් වන “හෝමුස් සමුද්ර සන්ධිය” සම්පූර්ණයෙන්ම විවෘත වන බවට ඇමෙරිකානු ජනාධිපති ඩොනල්ඩ් ට්රම්ප් කළ ප්රකාශය ඉරානය විසින් ප්රතික්ෂේප කර ඇත. ඉරානයේ “ෆාර්ස්” පුවත් ඒජන්සිය උපුටා දක්වමින් ජාත්යන්තර මාධ්ය වාර්තා කරන්නේ ජනාධිපති ට්රම්ප්ගේ මෙම ප්රකාශය සම්පූර්ණයෙන්ම යථාර්ථයෙන් බැහැර එකක් බව ඉරාන පාලනාධිකාරිය පවසන බවයි.ඉරානය අවධාරණය කරන්නේ ඇමෙරිකාව සමඟ යම් හෙයකින් ද්විපාර්ශ්වික එකඟතාවයකට හෝ ගිවිසුමකට එළඹුණ ද, හෝමුස් සමුද්ර සන්ධියේ සම්පූර්ණ ආරක්ෂක පාලනය, අයිතිය සහ කළමනාකරණය අඛණ්ඩව ඉරානය සතුව පවතින බවයි. කලාපීය බලය සහ ආරක්ෂාව සම්බන්ධයෙන් තම ස්ථාවරය වෙනස් නොවන බව ඔවුන් වැඩිදුරටත් පෙන්වා දෙයි.දෙරට අතර පවතින රාජ්ය තාන්ත්රික අර්බුදය නිමා කරන නව ගිවිසුම මේ වන විට අවසන් අදියරේ පවතින බවත්, එහි ප්රධාන කොන්දේසියක් ලෙස හෝමුස් සමුද්ර සන්ධිය ආරක්ෂිතව විවෘත කෙරෙන බවත් ඇමෙරිකානු ජනාධිපතිවරයා මීට පෙර ප්රකාශ කර තිබුණි. කෙසේ වෙතත්, ඉරානයෙන් ඊට වහාම මෙලෙස ප්රතිචාර දැක්වීමත් සමඟ දෙරට අතර ඇති වීමට යන නව එකඟතාවයේ ස්ථාවරභාවය පිළිබඳව ගෝලීය දේශපාලන ක්ෂේත්රය තුළ නැවතත් දැඩි අවිනිශ්චිතතාවයක් මතු වී තිබේ.
හෝමුස් සමුද්ර සන්ධියේ පාලනය පිළිබඳ ට්රම්ප්ගේ ප්රකාශය ඉරානය ප්රතික්ෂේප කරයි
