2026 වසරේ පළමු මාස හය අවසානයේදී රජයේ සමස්ත ආදායම සහ ප්රදාන රුපියල් බිලියන 2,956.0 දක්වා වර්ධනය වී තිබේ. මෙය 2025 වසරේ අනුරූප කාල සීමාවේදී වාර්තා වූ රුපියල් බිලියන 2,325.1 ක අගයට සාපේක්ෂව 27.1% ක සැලකිය යුතු ඉහළ යාමකි. එම කාලය තුළ සමස්ත රාජ්ය වියදම් සහ ශුද්ධ ණය දීම් ද 7.9% කින් වැඩි වී ඇති අතර, එය 2025 දී පැවැති රුපියල් බිලියන 2,730.7 සිට රුපියල් බිලියන 2,946.5 දක්වා ඉහළ ගොස් ඇත.ආදායම් පාර්ශ්වයේ ලැබුණු මෙම ප්රගතියත් සමඟ රාජ්ය මුදල් කළමනාකරණයේ පැහැදිලි ධනාත්මක වෙනසක් සටහන් වේ. මෙහි ප්රතිඵලයක් ලෙස 2025 වසරේ මුල් අර්ධයේ පැවැති රුපියල් බිලියන 405.6 ක අයවැය හිඟය වෙනුවට, 2026 ජූනි මසින් අවසන් වූ මාස හයේදී රුපියල් බිලියන 9.5 ක අයවැය අතිරික්තයක් අත්පත් කර ගැනීමට රජයට හැකි වී තිබේ.මහ බැංකු දත්තවලට අනුව දේශීය හා විදේශීය ණය කළමනාකරණයේ ද වෙනස්කම් සිදු වී ඇත. පසුගිය වසරේ මුල් අර්ධයේ පැවැති රුපියල් බිලියන 525.6 ක ශුද්ධ දේශීය මූල්යකරණය වෙනුවට මෙවර රුපියල් බිලියන 42.1 ක ශුද්ධ ආපසු ගෙවීමක් සිදු කර ඇත. එසේම, 2025 අනුරූප කාලසීමාවේදී රුපියල් බිලියන 120.0 ක ශුද්ධ විදේශ ණය ආපසු ගෙවීමක් වාර්තා වුවද, 2026 මුල් මාස හයේදී ශුද්ධ විදේශ මූල්යකරණය රුපියල් බිලියන 32.6 ක් ලෙස සටහන් වේ.
2026 මුල් අර්ධයේ රාජ්ය ආදායම ඉහළට: අයවැය ලේඛනයේ මූල්ය අතිරික්තයක්
