ශ්රී ලංකාවේදී පැවැත්වීමට තිරය පිටුපස සූදානම් කර තිබූ 2027 අයි.සී.සී. (ICC) ශූරයන්ගේ කුසලාන කාන්තා ක්රිකට් තරගාවලියේ සත්කාරක අයිතිය රටට අහිමි වී ඇති බව වාර්තා වේ. පසුගිය සමයේ ශම්මි සිල්වා මහතාගේ ප්රධානත්වයෙන් යුත් ක්රිකට් පරිපාලනය විසින් මහත් පරිශ්රමයක් යොදා ශ්රී ලංකාව වෙත මෙම ජාත්යන්තර තරගාවලියේ සත්කාරකත්වය දිනා ගැනීමට කටයුතු කර තිබුණි.කෙසේ වෙතත්, මේ සඳහා මූලික වශයෙන් බලපා ඇත්තේ ශ්රී ලංකාව තුළ වර්තමානයේ ක්රියාත්මක වන ක්රිකට් පරිවර්තන කමිටුව ජාත්යන්තර ක්රිකට් කවුන්සිලය (ICC) විසින් නිල වශයෙන් පිළිගැනීමට ලක් නොකිරීමයි. මෙකී පරිපාලනමය ගැටලු සහ ජාත්යන්තර සම්මතයන්ට අදාළ තත්ත්වයන් හේතුවෙන් සත්කාරක වරම වෙනත් රටක් වෙත පවරන තත්ත්වයක් උද්ගතව තිබේ.මෙම තත්ත්වයත් සමඟම, නියමිත පරිදි ශ්රී ලංකාවේදී පැවැත්වීමට තිබූ මෙම ක්රිකට් තරගාවලිය ඉදිරියේදී වෙනත් විදේශීය රටක සත්කාරකත්වය යටතේ පැවැත්වීමට ජාත්යන්තර ක්රිකට් කවුන්සිලය තීරණය කර ඇත. ක්රිකට් ක්රීඩාවේ අනාගතය කෙරෙහි දැඩි බලපෑමක් එල්ල කළ හැකි මෙම තීරණය ශ්රී ලංකා ක්රිකට් ක්ෂේත්රයට දැඩි බලපෑමක් වනු ඇත.
2027 කාන්තා ශූරයන්ගේ කුසලාන සත්කාරකත්වය ලංකාවට අහිමි වෙයි
