නාමල් රාජපක්ෂ මහතා 2029 වසරේදී මෙරට බලයට පැමිණීම කිසිවෙකුටත් වැළැක්විය නොහැකි වනු ඇතැයි පාර්ලිමේන්තු මන්ත්රී රාමනාදන් අර්චුනා මහතා පවසයි. මාධ්ය හමුවකදී අදහස් දක්වමින් ඔහු සඳහන් කළේ රටේ වත්මන් තත්ත්වය පිළිබඳව මහජනතාව තුළ පවතින දැඩි කලකිරීම හේතුවෙන්, ජනතාව විසින්ම නැවත වරක් රටේ පාලනය රාජපක්ෂවරුන් වෙත භාරදෙනු ඇති බවයි. මෙය තම පෞද්ගලික කැමැත්තක් නොවන නමුත් රටේ දේශපාලන ගමන් මඟ අනුව සිදුවන්නක් බව ද ඔහු ප්රකාශ කළේය.මෙහිදී වත්මන් විපක්ෂයේ ක්රියාකලාපය දැඩි ලෙස විවේචනය කළ මන්ත්රීවරයා, විපක්ෂ නායක සජිත් ප්රේමදාස මහතා ඉතා මෘදු ප්රතිපත්තියක් අනුගමනය කරන බව පෙන්වා දුන්නේය. විපක්ෂයක සිටින විට විරුද්ධවාදීන් වෙත ප්රබල ලෙස ප්රහාර එල්ල කළ යුතු බවත්, මල් මිටි පිරිනමමින් සිටිය නොහැකි බවත් පැවසූ ඔහු, මේ වන විට රට තුළ ප්රබල විපක්ෂ නායකයෙකුගේ අඩුවක් පවතින බව ද සඳහන් කළේය.නාමල් රාජපක්ෂ මහතා විපක්ෂ නායක ධුරයට සුදුසුදැයි මාධ්යවේදීන් නැඟූ ප්රශ්නයකට පිළිතුරු දෙමින් අර්චුනා මහතා කියා සිටියේ, ඔහුට විපක්ෂ නායක ධුරයේ අවශ්යතාවක් නොමැති බවයි. එම කාලය වන විට තමා දේශපාලනයේ නොසිටියත් නාමල් රාජපක්ෂ මහතා සෘජුවම මෙරට ජනාධිපතිවරයා බවට පත්වන අයුරු සැමට දැකගත හැකි වනු ඇතැයි ද ඔහු ස්ථිර ප්රකාශයක් කළේය.මීට පෙර ඉන්දීය නළු සහ දේශපාලනඥයෙකු වන විජේ ජෝසප්ගේ දේශපාලන ආගමනය පිළිබඳව තමා පළ කළ අනාවැකිය ද සත්ය වූ බව මන්ත්රීවරයා මෙහිදී මතක් කර දුන්නේය. එදා තමාගේ ප්රකාශ හමුවේ තමාට “පිස්සු” යැයි කී පිරිස්වලට අද වන විට සත්යය වටහා ගැනීමට සිදුව ඇති බව ද ඔහු වැඩිදුරටත් සිහිපත් කළේය.
2029 දී නාමල් රාජපක්ෂ බලයට එනවා නියතයි: මන්ත්රී රාමනාදන් අර්චුනා
