2025 වසරේ පවත්වන ලද 5 ශ්රේණිය ශිෂ්යත්ව පරීක්ෂණයේ ප්රතිඵල මත පදනම්ව, 2026 වර්ෂයේ 6 ශ්රේණිය සඳහා සිසුන් ඇතුළත් කිරීමේ දෙවන වටයේ අභියාචනා ක්රියාවලිය අධ්යාපන අමාත්යාංශය විසින් නිල වශයෙන් ආරම්භ කර ඇත. ඒ අනුව අදාළ අයදුම්පත් අද (08) සිට මැයි මස 29 වැනිදා දක්වා මාර්ගගත ක්රමවේදය (Online) ඔස්සේ ඉදිරිපත් කිරීමට දෙමාපියන්ට අවස්ථාව සලසා දී තිබේ.මෙම අභියාචනා ඉදිරිපත් කිරීමේදී අධ්යාපන අමාත්යාංශයේ නිල වෙබ් අඩවිය වන www.moe.gov.lk වෙත පිවිසීමෙන් හෝ http://g6application.moe.gov.lk යන සෘජු සබැඳිය භාවිතා කිරීමෙන් අවශ්ය කටයුතු සිදු කළ හැකිය. මෙහිදී එක් ශිෂ්යයෙකු වෙනුවෙන් පාසල් තුනක් සඳහා පමණක් උපරිම වශයෙන් අභියාචනා යොමු කිරීමට අවස්ථාව පවතින බව අමාත්යාංශය වැඩිදුරටත් අවධාරණය කරයි.නියමිත කාලසීමාවෙන් පසුව ඉදිරිපත් කරන කිසිදු අභියාචනයක් සලකා නොබලන බැවින්, නියමිත දින වකවානු තුළ නිවැරදිව අයදුම්පත් යොමු කරන ලෙස බලධාරීන් දැනුම් දෙයි. තොරතුරු තාක්ෂණික පහසුකම් භාවිතා කරමින් ඉතා කඩිනමින් සහ විනිවිදභාවයකින් යුතුව මෙම පාසල් තෝරා ගැනීමේ ක්රියාවලිය අවසන් කිරීම රජයේ අරමුණ වී තිබේ.
6 ශ්රේණියට ඇතුළත් වීමේ දෙවන වටයේ අභියාචනා අයදුම්පත් කැඳවීම ඇරඹේ
