ශ්රී ලංකාවේ වෘත්තීය මට්ටමේ පන්දු යැවීමේ (Bowling) අත්දැකීම නව මානයකට රැගෙන එමින්, Playdium Pin League දෙවන වාරය ආරම්භ කිරීමට සියලු කටයුතු සූදානම් කර තිබේ. මෙරට ආයතනික අංශයේ සබඳතා ශක්තිමත් කිරීමේ අරමුණින් සංවිධානය වන මෙම තරඟාවලියේ නිල දියත් කිරීම සහ අනුග්රාහක උපහාර උත්සවය පසුගිය මැයි 08 වන දින කොළඹ වන් ගෝල් ෆේස් (One Galle Face) පරිශ්රයේදී උත්කර්ෂවත් ලෙස පැවැත්විණි. මංගල තරඟාවලියේ අතිමහත් සාර්ථකත්වයෙන් පසු මෙවරත් උද්යෝගිමත් තරඟකාරීත්වයක් සහ ආයතනික මිත්රත්වයක් සහභාගිවන්නන්ට හිමිවනු ඇත.මෙවර තරඟාවලිය වඩාත් අර්ථවත් කිරීම සඳහා කීර්තිමත් දේශීය ආයතන රැසක් අත්වැල් බැඳගෙන සිටී. ඒ අනුව ප්රධාන අනුග්රාහකයා ලෙස CDB (Citizens Development Business Finance PLC) කටයුතු කරන අතර, ATOM ආයතනය තාක්ෂණික සහකරු ලෙසත්, පර්ල් බේ (Pearl Bay) තෑගි සහකරු ලෙසත් එක්ව සිටියි. මීට අමතරව PR Wire, ThePapare සහ වන් ගෝල් ෆේස් මෝල් ආයතනික හවුල්කරුවන් ලෙස මෙම දැවැන්ත ක්රීඩා මංගල්යයට ශක්තියක් සපයයි. මෙම සබඳතාවන් හරහා ක්රීඩකයන්ට මෙන්ම ප්රේක්ෂකයන්ට ද වෘත්තීය මට්ටමේ ක්රීඩා අත්දැකීමක් සහ සජීවී ලකුණු යාවත්කාලීන කිරීම් සමීප කිරීමට සංවිධායක මණ්ඩලය සැලසුම් කර ඇත.කොළඹ හදවත බඳු වන් ගෝල් ෆේස් හි පිහිටි Playdium යනු ලෝක මට්ටමේ පන්දු යැවීම සහ විනෝදාස්වාදය සපයන ශ්රී ලංකාවේ ප්රමුඛතම මධ්යස්ථානයයි. වෘත්තීය පන්දු යැවීමේ ත්රාසය සහ සමාජීය ජාලකරණය එක්තැන් කරන මෙම “පින් ලීගය” හරහා ආයතනික කණ්ඩායම් ගොඩනැගීමට සුවිශේෂී වේදිකාවක් හිමිවේ. දෙවන වාරයත් සමඟ Playdium සිය ප්රමුඛතාවය යළිත් තහවුරු කර ඇති අතර, එය මෙරට ක්රීඩා ලැදි ආයතනික ප්රජාව අතර වඩාත් ජනප්රිය ඉසව්වක් වනු නොඅනුමානය.
Playdium Pin League 2026: මෙරට ප්රමුඛතම ආයතනික පන්දු යැවීමේ සටන යළි ඇරඹෙයි
