මැදපෙරදිග යුද්ධය අවසන් කිරීම සඳහා ඇමරිකාව ඉදිරිපත් කළ යෝජනාවලියට ඉරානය දැක්වූ ප්රතිචාරය ජනාධිපති ඩොනල්ඩ් ට්රම්ප් විසින් මුළුමනින්ම ප්රතික්ෂේප කර තිබේ. පාකිස්තානය මැදිහත්කරුවෙකු ලෙස කටයුතු කරමින් ඉදිරිපත් කළ මෙම ඉරාන යෝජනාවලියට නාවික අවහිරතා ඉවත් කිරීම සහ ප්රහාර එල්ල නොකරන බවට සහතිකයක් ලබාදීම වැනි කොන්දේසි ඇතුළත් විය. කෙසේ වෙතත්, ට්රම්ප් අවධාරණය කරන්නේ ඉරානය ලබා දී ඇති පිළිතුරු කිසිසේත්ම පිළිගත නොහැකි මට්ටමක පවතින බවයි.මෙම අර්බුදය තවදුරටත් උග්ර කරමින් ඊශ්රායල අගමැති බෙන්ජමින් නෙතන්යාහු ප්රකාශ කර ඇත්තේ ඉරානය සතු පොහොසත් කළ යුරේනියම් තොග සම්පූර්ණයෙන්ම ඉවත් කරන තෙක් යුද්ධය අවසන් කිරීමේ සූදානමක් නොමැති බවයි. අනෙක් අතට, ඉරාන ජනාධිපති මසූඩ් පෙසෙෂ්කියන් සිය ස්ථාවරය පෙන්වා දෙමින් කියා සිටියේ සාකච්ඡාවලට පැමිණීම යනු යටත් වීමක් නොවන බවත්, කිසිදු සතුරෙකු ඉදිරියේ තම රට හිස නොනමන බවත්ය.වසර මුලදී යුද්ධය ඉක්මනින් අවසන් වන බවට ට්රම්ප් සුබවාදී බලාපොරොත්තු පළ කළද, දෙපාර්ශවයම තවමත් සටන් විරාම නීති උල්ලංඝනය කරමින් ප්රහාර එල්ල කරමින් සිටින බව වාර්තා වේ. පවතින රාජ්යතාන්ත්රික ගැටලු හමුවේ සාමකාමී විසඳුමක් කරා යන ගමන තවදුරටත් සංකීර්ණ වෙමින් පවතී.
ඉරාන-ඇමරිකා සාම සාකච්ඡා අර්බුදයක: ට්රම්ප්ගෙන් දැඩි ප්රතිචාරයක්!
