ගෝලීය බොර තෙල් මිල ගණන් යළි ඉහළට

විදෙස් වාර්තාවන්ට අනුව, බ්‍රෙන්ට් වර්ගයේ බොර තෙල් මිලෙහි මඳ පහළ යාමක් දක්නට ලැබීමෙන් අනතුරුව යළිත් වරක් එය ඩොලර් 90 සීමාව ඉක්මවා ගොස් තිබේ.​මේ වන විට බ්‍රෙන්ට් බොර තෙල් බැරලයක මිල ඩොලර් 92 කට වඩා වැඩි අගයක අලෙවි වන අතර, WTI බොර තෙල් බැරලයක් ඩොලර් 85 ක සීමාව ඉක්මවා වෙළඳපොළේ අලෙවි වෙමින් පවතියි.​මෙම මස ආරම්භක කාල වකවානුව තුළ බ්‍රෙන්ට් බැරලයක් ඩොලර් 71.57 ක් ලෙසත්, WTI බැරලයක් ඩොලර් 68.58 ක් ලෙසත් සටහන්ව තිබූ බවයි එම මාධ්‍ය වාර්තා වැඩිදුරටත් පෙන්වා දෙන්නේ.