ශ්රී ලංකාවේ පාරිසරික දත්ත සම්පාදනය කරන ප්රධානතම මධ්යස්ථානය වන “ජාතික පාරිසරික තොරතුරු මධ්යස්ථානය” සාම්ප්රදායික පුස්තකාල ක්රමවේදයෙන් ඔබ්බට ගොස් නවීන ඩිජිටල් දැනුම් කේන්ද්රයක් ලෙස ප්රතිසංස්කරණය කර තිබේ. මධ්යම පරිසර අධිකාරිය යටතේ ක්රියාත්මක වන මෙම මධ්යස්ථානය හරහා පරිසරය සම්බන්ධ නවතම ගවේෂණ වාර්තා, දේශීය හා විදේශීය තොරතුරු මෙන්ම විද්යාත්මක දත්ත පද්ධති ඉතා පහසුවෙන් පරිශීලනය කිරීමට දැන් අවස්ථාව උදා වී ඇත.පර්යේෂකයන්, පාසල් හා විශ්වවිද්යාල සිසුන් මෙන්ම පරිසර ලෝලී සාමාන්ය ජනතාවට ද විවෘත මෙම මධ්යස්ථානය, විශ්වාසනීය තොරතුරු මූලාශ්රයක් ලෙස සේවය සපයයි. කාලීන පාරිසරික වෙනස්කම්, සොබාදහම සුරැකීමේ නව සංකල්ප සහ ලෝකයේ විවිධ පාරිසරික ප්රවණතා පිළිබඳව ගැඹුරු දැනුමක් ලබා ගැනීමට කැමති ඕනෑම අයෙකුට මෙහි ඇති ඩිජිටල් පහසුකම් භාවිතා කරමින් තම දැනුම යාවත්කාලීන කරගත හැකිය.ලොව පුරා දැඩි අවධානයට ලක්වන පාරිසරික සංකල්ප පිළිබඳව උනන්දුවක් දක්වන ඔබට 011-2872419, 011-2872278, 011-2873447, 011-2873448 හෝ 011-2888999 යන දුරකතන අංක ඔස්සේ මධ්යස්ථානය හා සම්බන්ධ වී අවශ්ය මඟපෙන්වීම් ලබාගත හැකිය. දැනුමෙන් සන්නද්ධ හරිත අනාගතයක් වෙනුවෙන් මෙම නවීන ඩිජිටල් මධ්යස්ථානය මහඟු මෙහෙවරක් ඉටු කරනු ඇතැයි අපේක්ෂා කෙරේ.
ජාතික පාරිසරික තොරතුරු මධ්යස්ථානය ඩිජිටල්කරණය වෙයි!
