පොළොන්නරුවේ පැවති ගොවි රැලියක් අමතමින් ජනාධිපති අනුර කුමාර දිසානායක මහතා ප්රකාශ කළේ, රට තුළ කිසිදු සාකච්ඡාවකට හෝ සමාවකට ඉඩ නොදෙන ප්රධාන කරුණු දෙකක් පවතින බවත්, එයින් එකක් පාතාලය බවත්ය. රටේ නීතිය හා සාමය සුරක්ෂිත කිරීම සඳහා සන්නද්ධ අපරාධ කල්ලි සම්පූර්ණයෙන්ම මැඩපවත්වන බව ඔහු එහිදී අවධාරණය කළේය.විදෙස් රටවල සිටිමින් මෙරට අපරාධ ජාලය මෙහෙයවූ පුද්ගලයින් 70කට වැඩි පිරිසක් මේ වන විටත් මෙරටට ගෙන්වා ගැනීමට පියවර ගෙන ඇති බව ජනාධිපතිවරයා සඳහන් කළේය. මරණ දඬුවම ක්රියාත්මක කිරීම සම්බන්ධයෙන් සමාජයේ යම් කතිකාවක් ගොඩනැගී තිබුණද, මේ දක්වා ඒ පිළිබඳව රජය විසින් නිල තීරණයක් ගෙන නොමැති බවද ඔහු පැහැදිලි කළේය.පාතාල මර්දන වැඩපිළිවෙළට සමගාමීව, ඊට සෘජුව සම්බන්ධ වී ඇති මත්ද්රව්ය ජාවාරමද රටින් මුලින්ම උදුරා දැමීමට රජය දැඩි ලෙස කැපවී සිටින බව ජනපතිවරයා වැඩිදුරටත් කියා සිටියේය.
පාතාලය සහ මත්ද්රව්ය මර්දනයට කිසිදු සමාවක් හෝ සාකච්ඡාවක් නැහැ – ජනපති අනුර කුමාර
