පාර්ලිමේන්තුව අදත් රැස්වෙයි

අද දිනට නියමිත න්‍යාය පත්‍රයට අනුව පාර්ලිමේන්තු සභාවාරය පෙදෙසේදී ආරම්භ වීමට නියමිතය. ඒ අනුව පෙ.ව. 09.30 සිට පෙ.ව. 10.00 දක්වා වන මුල් භාගය වෙන් කර ඇත්තේ නිල නිවේදන, ලිපි ලේඛන සභාගත කිරීම සහ පෙත්සම් ඉදිරිපත් කිරීම වැනි මූලික කටයුතු සඳහායි. ඉන් අනතුරුව පෙ.ව. 10.00 සිට පැයක් පුරා මන්ත්‍රීවරුන් විසින් යොමු කරන ලද, වාචික පිළිතුරු අපේක්ෂා කරන ප්‍රශ්න සඳහා සභාවේ අවධානය යොමු කෙරේ.​පෙ.ව. 11.00 සිට පෙ.ව. 11.30 දක්වා වූ කාලය වෙන් කර ඇත්තේ ස්ථාවර නියෝග 27(2) යටතේ විපක්ෂ නායකවරයා හෝ අනෙකුත් පක්ෂ නායකයන් විසින් සභාවට ඉදිරිපත් කරනු ලබන විශේෂ හදිසි ප්‍රශ්න විමසීම වෙනුවෙනි. ඉන් අනතුරුව අද දිනයේ ප්‍රධාන පාර්ලිමේන්තු විවාදය ආරම්භ කිරීමට සියලු කටයුතු සූදානම් කර තිබේ.​මෙම ප්‍රධාන විවාදය පෙ.ව. 11.30 සිට ප.ව. 05.30 දක්වා පැවැත්වෙන අතර, එහිදී ශ්‍රී ලංකා මහ බැංකුව විසින් නිකුත් කරන ලද “2025 ආර්ථික සමාලෝචන වාර්තාව” පිළිබඳ සභාව කල් තැබීමේ විවාදය පැවැත්වීමට නියමිතය. ආණ්ඩු පක්ෂය විසින් ඉදිරිපත් කරන ලද යෝජනාවකට අනුව මෙම විශේෂ විවාදය පැවැත්වෙන බව වාර්තා වේ.