ව්යාජ රන් භාණ්ඩ උකස් කර මූල්ය ආයතන වංචා කිරීමේ නිරත වූ ප්රධාන සැකකරුවෙකු රක්වාන පොලිස් ස්ථානයේ නිලධාරීන් කණ්ඩායමක් විසින් සිදුකළ වැටලීමකදී අත්අඩංගුවට ගෙන තිබේ. මෙලෙස අත්අඩංගුවට පත්ව ඇත්තේ බලන්ගොඩ ප්රදේශයේ පදිංචි 25 හැවිරිදි තරුණයෙකි. සාම්ප්රදායික රන් පරීක්ෂණ ක්රමවේද පවා නොමඟ යැවිය හැකි අයුරින් සූක්ෂ්ම ලෙස සකස් කළ ව්යාජ රන් භාණ්ඩ වෙළෙඳපොළට මුදාහැරීමේ සංවිධානාත්මක ජාලයකට මොහු සම්බන්ධ බව පොලිසිය පවසයි.අත්අඩංගුවට ගන්නා අවස්ථාවේදී සැකකරු සන්තකයේ තිබී ව්යාජ ලෙස නිමවන ලද ග්රෑම් 08ක් බරැති කාන්තා රන් මුදුවක් සහ මීට පෙර විවිධ උකස් මධ්යස්ථාන වෙත මෙවැනිම ව්යාජ රන් භාණ්ඩ ලබා දී මුදල් ලබාගත් රිසිට්පත් රැසක් පොලිස් භාරයට ගෙන ඇත. පොලිසිය සිදුකළ මූලික විමර්ශනවලදී අනාවරණය වී ඇත්තේ මෙම ව්යාජ රන් භාණ්ඩ මීගමුව, කුරන ප්රදේශයේ පදිංචි වෙනත් පුද්ගලයෙකුගෙන් සැකකරු විසින් ලබාගෙන ඇති බවයි.මෙම සිදුවීම දිවයින පුරා විහිදුණු මහා පරිමාණ ජාලයක කොටසක් විය හැකි බැවින්, ඉදිරි කාලසීමාව තුළ මෙරට උකස් මධ්යස්ථාන තමන්ගේ ගනුදෙනු පටිපාටීන් පිළිබඳව වඩාත් විමසිලිමත් විය යුතු බව බලධාරීහු පෙන්වා දෙති. මෙම ජාලයේ මුලසූත්ර සහ ඊට සම්බන්ධ සෙසු පුද්ගලයන් සොයා රක්වාන පොලිසිය මේ වන විට පුළුල් විමර්ශන පවත්වන අතර, මෙවැනි වංචා වැළැක්වීම සඳහා මූල්ය ක්ෂේත්රය වඩාත් නවීන තාක්ෂණික පියවරයන් කරා යොමුවීමේ අවශ්යතාව ද මතුව ඇත.
රක්වානෙන් ව්යාජ රන් භාණ්ඩ උකස් කළ ප්රධාන සැකකරුවෙකු අත්අඩංගුවට
